Juan 14:31 - Tayta Diosninchi Isquirbichishan

³¹ Imano captinpis nogaga Taytätami wiyacö. Chaynöpami llapanpis musyanga Taytä nimashannölla rurashäta.» Ushananpänaga Jesús niran: «Jatariy-llapa. Cananga caypita aywacushunna.»

Juan 14:31 ပူးပေါင်းရင်းမြစ်များ

Salmos 40:8

Tayta Dios, gam munashayquita rurarmi cushicö. Layniquicunatapis llapantami yarparaycä.»

Isaías 50:5

Tayta Diosmi wiyacunäpaj yanapäman. Nimashancunatapis mana cachariypami cumlishcä.

Mateo 26:39

Nircur mas carullaman witircur urcunpis pampaman töpanancama gongurpacuycur Tayta Diosta mañacur niran: «Papä, gampaj alli captenga fiyupa ñacanäpaj caycashäta ama camacaycachiychu ari. Ichanga ama noga munashäno cachunchu. Chaypa ruquenga gam munashayquino cachun.»

Mateo 26:46

Jatariy. Aywashunna. Chiquimajcunaman entregamäga aywaycämunnami.»

Lucas 12:50

Ichanga manaraj chayno captin ñacachir wañuchisharämi cashaj. Chayno manaraj chayamushancamaga fiyupami llaquicuycä.

Juan 10:18

Nogataga manami pipis wañuchimanchu. Chaypa ruquenga quiquë munarmi wañushaj. Quiquëpa munaynëchömi caycan wañuy. Chaynöllami cawarimushäpis. Chayno cananpämi Papänë nimasha.»

Juan 12:27

«Cananga fiyupami llaquicuycä. ¿Ima nishäraj? ¿‹Tayta, örä chayaycämushanpita salbaycamay› nishächuraj? Manami. ¡Chaypa ruquenga chaypämi cay pachaman shamushcä!»

Juan 12:49

Manami quiquëpa yarpaylläpitachu willacuycä. Chaypa ruquenga Taytä nimashancunallatami willacuycä.

Juan 13:1

Pascua fista manaräpis gallariptin Jesusga mayna musyaran cay pachapita Taytan cajman aywacunanpaj diya chayamushanta. Payga cay pachacho payman riguejcunata cuyaran. Chaynöllami ushanancamapis fiyupa cuyaran.

Juan 15:9

Taytä cuyamashannömi nogapis gamcunata cuyä. Cuyaycashänölla gamcunapis cuyanacur goyanqui.

Juan 18:11

Chaymi Pedruta Jesús niran: «¡Sabliquitaga cutichiy churaräcunanman! Ñacanäpaj papänë nisha caycaptenga ¿imanirtaj mana ñacämanchu?»

Juan 4:34

Chayno yarpashanta tantiyarmi Jesús niran: «Nogapa micuynëga caycan cachamaj munashanta ruraymi y cumliymi.

Filipenses 2:8

Tayta Dios munashanta rurarmi quiquin umildi ricacuran. Asta wañuymanpis chayaran. Cruscho wañuytapis manami pengacuranchu.