Josué 8:20 - Tayta Diosninchi Isquirbichishan

²⁰ Hai runacuna guepanpa ticraycuptenga siudäninpita yana gontayraj jatariycasha. Gueshpiycaj Israel runacunapis ñaupancho captinmi maypa gueshpiytapis mana camäpacurannachu.

Josué 8:20 ပူးပေါင်းရင်းမြစ်များ

Génesis 19:28

Ricäriran Sodomawan Gomorra caycashan ragran aywajpa. Ricaran intëru chay ragran aywajpaga jurnïllupitanöraj goshtay yana gontaynöraj jatariycämojta.

Job 11:20

Fiyucunami ichanga ashirpis mana tarengachu. Pacacunanpaj ashirpis manami tarengachu. Paycunataga wañuyllami shuyaraycan.»

Salmos 76:5

Chaynöpami fiyupa callpayojcunapis ima ruraytapis mana puydishachu. Manami gänasninpis cashanachu. Mananami jatarimonganachu.

Isaías 34:10

Chacaypa ni junajpapis manami upengapänachu. Imaypis goshtayga jatariycangami. Imaycamapis chayno ushacasha ragällanna caconga. Chaypaga manami pipis purengapänachu.

Josué 8:19

Chaura pacaraycajcunaga jinan öra siudäman yaycur cañapaycäriran.

Josué 8:21

Josuëwan llapan Israelcuna goshtayta ricashpan musyaran pacarajcuna siudäman yaycushantana. Chaymi jinan öra paycunapis cutiran Hai runacunata wañuchinanpaj.

Apocalipsis 18:9

Chay siudäpita goshtay jatariycajta ricarmi llapan nasyuncunapa mandajnincuna llaquicur waganga. Chay mandajcunaga paywan cacushpanmi pasaypa juchata ruraran. Tayta Diospa contran imatapis mana manchacuypa ruraran.

Apocalipsis 19:3

Nircurnami anjilcuna yapay niran: «¡Tayta Diosninchi alabasha cachun! Chay siudätaga rupacurcushami. Rupaptin mana chawaypami goshtay jatariycanga.»

Jueces 20:38

Siudäman yaycunanpaj pacarpajcunawanga mayna parlacuran «yana goshtay jatariptin musyanquinami siudäman yaycushäta» nir.

Jueces 20:40

Chayno gatircaycaptin siudäpita goshtay jatariyta gallaycuran. Benjamín runacuna siudäninman ricäriptin yana gontayraj jatariycaran.

Jueces 20:41

Chayta ricärir Israelcunaga ichiparan. Benjamín trïbu runacunana imata ruraytapis mana camäpacuranchu jananchöna wañuy captin.