Josué 3:15 - Tayta Diosninchi Isquirbichishan

¹⁵ Cosëcha wichan Jordán mayuga aypalla car jicha-jichami aywaj. Chayno captinpis babulta apaycaj cüracuna mayuman yaycur chaquincunata yacu ushmarcuptin

Josué 3:15 ပူးပေါင်းရင်းမြစ်များ

2 Reyes 2:6

Chaychöpis yapay Elías niran: «Eliseo, caycho quëdacuy. Nogataga Tayta Diosmi cachaycäman Jordanman.» Chaura Eliseo niran: «Tayta Diospis gampis musyanquimi. Gamtaga manami cacharishayquipächu.» Niptin ishcan aywaran.

1 Crónicas 12:15

Paycunami tamya quilla gallariycaptin Jordán mayu fiyupa chayasha ragra junta aywaycaptin chimparan. Nircur mayu cantun pampacho inti yagamunan cajcho, inti yaganan cajcho tiyaycajcunatapis gaticacharan.

1 Crónicas 12:16

Benjaminwan Judá famillya runacunapis David pacaraycashan cajman guellicoj chayaran.

Isaías 26:6

Chauraga chay jananpami purenga pobricunapis, umildicunapis.»

Jeremías 12:5

Chayno niptin Jeremiasta Tayta Dios niran: «Chaquipa cörrej runawan llallinacushpallayquipis fiyupana uticashpayquega ¿imanöpataj llallinacunquiman cawallun muntasha cörrejwanga? Lliuyaj pampacunachöga allimi caycanqui. Ichanga ¿imanöraj canquiman Jordán muntichöga?

Jeremías 49:19

Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Edom runacunaga manchacamashpan gueshpirmi aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipamanman?

Nahúm 1:4

Lamartapis ollgöparga chaquirachinmi. Paymi camacächin llapan mayucuna chaquinanpäpis. Chaymi Basán particho, Carmelo jircacunacho jachacuna caycajpis wañuytacäcun. Libanucho caycaj waytacunapis wañuytacäcun.

Josué 3:13

Cay pachata munaynincho chararaj Tayta Diosninchïpa conträtu babulninta apaj cüracuna yacuman yaycurcuptenga janapita shamoj mayu chapacäconga chaquillapana päsananchïpaj,» nir.

Josué 4:18

Jordán mayupita cüracuna llojshimur chaqui allpamanna lluchcarcuptin jinan öra mayuga cashganman cutiran. Mayuga yapay jicha-jichana aywaran.