Josué 23:7 - Tayta Diosninchi Isquirbichishan

⁷ Ñaupayquicho tiyarcaycajraj jäpa runacunawanga ama tacucaychu. Paycuna adurashan diosnincunatapis ama aduranquichu. Chay dioscunapataga ni jutillantapis ama rimarcuychu, ni juraypischu jutinchöga.

Josué 23:7 ပူးပေါင်းရင်းမြစ်များ

2 Reyes 17:12

Tayta Dios «ama aduranquichu» nisha caycaptinpis ïdulucunata aduraran.

2 Reyes 5:18

Ichanga marcäman cutiptëmi Rimón diospa templunman mandajnë pushamanga. Chaychömi ricräpita charicurcur gongurpacuptin nogapis gongurpacushaj. Chayno gongurpacuptë Tayta Dios perdunaycamächun ari.»

2 Crónicas 7:19

Nogata gongaycamar laycunata mandamintucunata mana cumlir juc dioscunata adurar rispitaptiquimi ichanga

Salmos 16:4

ïduluta rurajcuna, fiyupa rispitar yäracojcunapis. ¡Nogami ichanga ïdulucunata imaypis mana adurashächu! ¡Jutincunatapis manami ni rimayllapis rimarcushächu!

Éxodo 20:5

Chaycunapa ñaupanmanga ama gongurpacunquichu ni aduranquipischu. Nogallami Tayta Diosniquega cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

Éxodo 23:13

«Noga nishätaga juctapis mana gongaypa llapanta cumlinqui. Juc-lä runacuna yäracushan dioscunata ama mañacunquichu. Chay dioscunapa jutintaga ama rimanquipischu.

Éxodo 23:33

Chay runacunataga ama cachanquichu tiyashayqui nasyuncho tiyananpaj. Gamcuna cajcho tiyarga mana wiyacamänayquipämi shimita goshunquipaj. Chaynöpami paycuna yäracushan dioscunata aduraptiqui castigashayquipaj.»

Proverbios 4:14

Mana allita ruraj runacunamanga ama tallupaychu. Mana allita rurashancunataga ama yachacunquichu.

Jeremías 12:16

Chay runacuna acrashä runacunata Baal diosta adurayta manana yachacherga acrashä runacunanönami cangapaj. Ichanga yachachicuynëcunata yachacunan, aduramaytapis yachacunan.

Jeremías 5:7

Tayta Dios cayno nin: «Israelcuna ¿imanöpataj perdunashayqui? Wamrayquicunami cachaycamasha. Mana dios caycajpa jutinchömi jurashapis. Aypalla micuyniqui cananpäpis nogami bindisyunta gorä. Chaypis manami wiyacamashachu. Chaymi shuntacarcur-shuntacarcur juc dioscunata adurasha.

Oseas 2:17

Baal dios-niraj ïdulucunapa jutinta Israel rimanantaga yarpayninpitapis ushajpämi gongaycachishaj. Chay juticunataga manami imaypis parlangapänachu.

Sofonías 1:5

Wasin jananman wichaycur syëlucho caycaj goyllarcunata adurajtapis illgarachishämi. Gongurpacushpan nogapa jutëcho jurarcur ‹dios Milcompa jutincho› nir jurajcunatapis illgächishämi.

Números 32:38

Nebo, Baal-meón, Sibma siudäcunata. Waquin siudäcunapa jutinta rucachishpan quiquincunapa jutintana churaparan.

Números 33:55

«Chay nasyuncho tiyashpayqui jinan runacunata mana garguptiquimi ichanga canga ñawiquicho agu caycajno, chaquiquicho casha jatiraycajno.

1 Corintios 15:33

Runacuna chayno nishantaga ama cäsupaychu. Rimay cashannöpis «Mana alli amïgucunaga alli runacunatapis pirdichinmi».

Efesios 5:11

Tayta Diosta mana wiyacoj runacuna llutancunata ruraptinpis gamcunaga ama paycunano ruraynachu. Chaypa ruquenga llutan ruraycashanta tantiyachiy.

Deuteronomio 10:20

«Tayta Diosllata wiyacur payllata aduranqui. Pay munashannölla imaypis cawanqui. Paypa jutillancho juranquipis.

Deuteronomio 6:13

Tayta Diosnillanchïta aduranqui. Pay japallanta sirbinqui. Jurarpis Tayta Diospa jutillancho juranqui.

Deuteronomio 6:14

Tiyashayquipa ñaupan marcacunacho tiyaj runacuna adurashan dioscunataga ama aduranquichu.

Josué 23:12

Mana wañuchishayqui runacunawan iwal tiyashpayqui wamrayquicunata paycunapa wamrancunawan majachaptiquega

Josué 23:8

Tayta Diosnillanchïman mana cachariypa yäracunqui, canancama yäracushayquino.