Josué 2:10 - Tayta Diosninchi Isquirbichishan

¹⁰ Musyaycäcunami Egiptupita shacamuptiqui Puca Lamar yacuta päsamunayquipaj Tayta Dios chaquichishanta. Musyaycäcunami Jordán mayupa washa chimpancho caycaj Amorreo nasyunpa raynin Sehonta Ogta suldäruncunatawan wañuchishayquita.

Josué 2:10 ပူးပေါင်းရင်းမြစ်များ

Salmos 74:15

Gammi pashtachimushcanqui pucyutapis, yacutapis mayu cananpaj. Mana chaquej mayucunatana chaquichishcanqui.

Números 20:14

Cadespita Moisesga cachacunata cachacuran Edom nasyunpa rayninman. Cayno willachiran: «Castayqui Israelcunami caycä. Gamga musyaycanquinami nogacuna fiyupa ñacar goyashäta.

Números 23:22

Egiptupita jorgamoj Tayta Diosmi paycunataga yanapaycan. Payga pogusha törunöpis callpayojmi caycan.

Números 24:8

Egiptupita jorgamoj Tayta Diosmi paycunataga yanapan. Chay runacunapäga Tayta Diosmi callpayoj pogusha törunöpis caycan. Israelcunaga contran caj nasyuncunata ushangami. Tulluncunatapis paquengami. Lëchancunawan illaparmi wañuchenga.

Deuteronomio 2:30

«Chayno ruwashapis ray Sehonga manami munaranchu nasyunninpa päsamunanchïta. Tayta Diosninchïmi camacächiran mana auninanpaj. Chayno camacächiran gamcunapa munayniquicho cananpaj. Chaymi cananyajpis munayniquicho caycan.

Josué 24:12

Amorreo runacunapa ishcay raynincunata noga mancharachiptëmi pillyaj aywaptiqui gueshpir aywacuran. Manami sabliquiwanchu ni lëchayquiwanpischu binsirayqui.

Josué 4:24

Chayno ruraran Tayta Dios fiyupa munayniyoj cashanta intëru munducho musyananpämi. Gamcunapis Tayta Diosllata imaycamapis rispitanqui.»

Josué 5:1

Jordán mayuta päsar chayashan particho tiyaj Amorreo runacunapa raynincuna, Mediterráneo lamar ñaupancho tiyaj Cananeo runacunapa raynincuna mayaran Israelcuna päsananpaj Tayta Dios Jordán mayuta chaquichishanta. Chaymi fiyupa mancharishpan Israelcunata ichipaytapis mana munarannachu.

Josué 9:10

Mayashcämi Jordán mayu washa chimpancho tiyaj Amorreo runacunapa ishcay raynincunata Tayta Diosniqui imano ushacächishantapis. (Paycunaga caran Hesbonpa raynin Sehonwan Basanpa raynin Ogmi. Og-ga Astarotchömi tiyaran.)