Josué 19:10 - Tayta Diosninchi Isquirbichishan

¹⁰ Chacrata aypunanpaj surtita yapay jitaptin yargamuran Zabulón trïbupäna. Paycunapa chacranga chayaran Saridcamami.

Josué 19:10 ပူးပေါင်းရင်းမြစ်များ

Génesis 35:23

Leacho cajcuna caran Rubén mayur, chaypita Simeón, Leví, Judá, Isacar, Zabulón.

Génesis 49:13

«Zabulón tiyanquipaj lamar cantuncunachömi. Gamga tiyanquipaj büquicuna chayanancho, llojshinanchömi. Lindayquega chayarangapaj Sidoncamami.

Ezequiel 48:26

«Isacar trïbupa sur caj-länincho inti yagamunan caj lindapita gallaycur inti yaganan caj-lächo caycaj lindacama canga Zabulón trïbupaj.

Josué 18:11

Chacrata aypunanpaj surtita jitaptin Benjamín trïbupäga cada castapaj caran Judá trïbupawan Josëpa wamrancuna Manasespawan Efraín trïbupa chacrancuna chaupincho.

Josué 18:6

Ganchisman raquiycur may maycho cashantapis isquirbimuchun cutiycamur entregamänanpaj. Noganami Tayta Diospa ñaupancho surtita jitashaj chay particunata aypunäpaj.

Josué 19:11

Chaypa päsarar lindan aywaraycaran inti yaganan caj-lä Maralacama. Chaypa päsarar chayaraycaran Dabesetpa. Chaypa päsaycaran Jocneampa chimpancho caycaj ragramanna.

Josué 19:9

Simeón trïbupa chacranga caycaran Judá trïbupa chacran chaupinchömi. Judá trïbupaga aypallami caran chacran. Chaynöpami Judá cajpa chacranta waquintaga rachipaycuran Simeón trïbutana.