Josué 14:11 - Tayta Diosninchi Isquirbichishan

¹¹ Cananpis callpä jinallarämi caycan ñaupata Moisés ricapacoj cachamashannölla. Ñaupata pillyar wac-läman cay-läman chayar pillyashäno cananpis pillyämanrämi.

Josué 14:11 ပူးပေါင်းရင်းမြစ်များ

Salmos 103:5

Paymi cushicachiman llapan allicunata tarichimashpan. Mösuyächiman anca pillichacojtanöpis.

Salmos 90:10

Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Deuteronomio 31:2

«Pachac ishcay chuncan (120) watayojnami cä. Mananami callpäpis cannachu wac-läman cay-läman chayar purinäpaj. Jinachöpis Tayta Diosga Jordán mayuta manana chimpanäpaj cashantami nimasha.

Deuteronomio 33:25

Siudä puncunpa rancancunapis fyërrupita, runsipita caycullächun. Callpancunapis wañushanyaj ama ushacächunchu.»

Deuteronomio 34:7

Moisés wañuran pachac ishcay chuncan (120) watayoj caycashanchömi. Wañunancamapis paypa ñawenga manami chacaranchu. Manami gueshyaranpischu.

Josué 14:10

Tayta Dios Moisesta chayno nishanpitaga chuscu chunca pichga (45) watanami. Chay wichanga chunyajllaparämi purircaycaranchi. Cawaycärämi Tayta Dios nimashanno. Cananga caycä pusaj chunca pichgan (85) watayojnami.