Joel 2:7 - Tayta Diosninchi Isquirbichishan

⁷ Guërracho pillyayta mana manchaj runacunanömi carcaycan. Fiyupami cörriycärinpis. Pergacunapa wichacarcärin. Aywanpis dirichaypami wacman ni caymanpis mana yagaypa.

Joel 2:7 ပူးပေါင်းရင်းမြစ်များ

2 Samuel 1:23

«Saultawan Jonatantaga runacuna amatarmi cuyaran. Paycunaga manami raquicashachu cawarpis ni wañurpis. ¡Ancacunapitapis masmi cörrej! ¡Liyuncunapitapis mas sinchimi caj!

2 Samuel 5:8

Manaraj yaycurmi suldäruncunata David niran: « ‹Gapracuna y wegrucunalla ichipäshunqui› nimajninchïcunataga pasaypami chiquë. Cananga paycunata magananchïpaj yacu aywaj tünil-llapa chay marcaman yaycushun.» David chayno nishanpita-pachami imaypis nin: «Gapracunapis ni wegrucunapis Templuman ama yaycuchunchu.»

1 Crónicas 12:36

Aser trïbupita caj caran chuscu chunca waranga (40,000) pillyananpaj camaricushalla.

Job 16:14

Jananman-jananman pasaypa ñacaycächiman. Runa pillyaman yaycojnörämi nogamanga yaycaycämun.

Salmos 19:5

Chaypitami llojshimun chayraj majachacasha mösuno. Aywayta gallaycurna cörrej runa cushisha cörriyta gallaycojno aywan.

Proverbios 30:27

Chüpacacunapis mandajnin mana caycaptinmi mashtaypa aywarpis chay iwal-lla aywan.

Jeremías 5:10

¡Chaymi contrancuna yaycuchun übas wertacunata muturinanpaj! Chillguiycajcunatapis rachirgärichun. Chaycunaga manami nogapanachu.

Joel 2:8

Jucnin-jucninpis manami lluchcanacunchu. Aywanpis aywarcaycashallanpami. Espädawan cuchuptinpis aywarcaycashan fïlanpitaga manami llojshinchu.

Joel 2:9

Siudäman yaycucaycärin. Perga janancunapapis cörricachan. Wasicunamanpis wichacarcärin. Bentänacunapapis suwacunanöraj yagacaycärin.