Job 9:24 - Tayta Diosninchi Isquirbichishan

²⁴ Cay pachatana cachaycun fiyucunapa munayninman. Juezcunapa ñawincunatana chaparcun. Chaycunata Dios mana ruraptenga chauraga ¿pitaj ruran?

Job 9:24 ပူးပေါင်းရင်းမြစ်များ

2 Samuel 15:30

Olivos lömapa David wicharan gala chaquilla wagaraycar; llaquicuywan uman shucutasha. Paywan aywacoj runacunapis wagaraycar uman shucutashalla aywarcaycaran.

2 Samuel 19:4

Chaycama rayga cäranta chapacurcur sinchipa gaparaycaran: «¡Absalonllau Absalón! ¡Absalonllau, Absalón!» nir.

Ester 6:12

Purichiyta usharcuptin Mardoqueoga yapay palasyu puncuman jamacuycuran. Amanmi ichanga jinan öra cörriyllapa wasinman aywacuran llaquisha, fiyupa pengay-tucushpan cäranta chapacurcur.

Ester 7:8

Wayta cajpita ray cutir wasiman yaycurishancho Amantaga ricäriran Ester jatun silluncho weguraycashan ñaupancho gongurparaycajta. Chaura rayga sinchipa niran: «Raynawanpis cacuyta munanquiraj, wasëcho canpis, quiquëpis ricaycaptë.» Chayno ray niptin jinan öra Amanpa umanta suldärucuna chaparcuran.

Job 10:3

Nogataga quiquiquimi camamashcanqui. Chayno camaycämarga ¿imanirtaj ashiycanqui jucha rurashäcunata? ¿Imanirtaj camacächinqui fiyu runacuna mana alli ruramänantapis?

Job 12:17

Paymi camacächin yachajcunapis mana tantiyananpaj. Juezcunatapis upatacäcachin.

Job 16:11

Diosmi cachaycamasha fiyu runacunapawan wañuchicojcunapa maquinman.

Job 19:7

« ‹¡Wañuycächiman!› nir gayaraptëpis manami pipis washämanchu. Yanapämänanpaj ruwacuptëpis manami pipis yanapämanchu.

Job 22:8

¡Munayniyoj rispitädu cashpayquimi cay pachaga munaynillayquicho cashanta yarparayqui!

Job 24:12

Siudächöga wañuyta ñacaycajcuna gaparpaycan. Nanaywan wagarcaycan. Mañacuptinpis Tayta Diosga manami yanapanchu.

Job 24:25

¿Chaynöchu, manachu? ¿Piraj ‹llullacuycanquimi› nir nishäcunata mana bälichengachu?»

Job 32:2

Chauraga Ram famillyapita mirar aywaj Buz parti runa Baraquelpa wamran Elihú, Jobpaj rabyacurcuran «juchaynaj caycaptë Dios castigaycäman» nejta wiyashpan.

Salmos 17:14

Munayniquiwan chapaycamay ari. Chay runacunapaga cay pachacho cajcunallami canga. Paycunata cay pachapita illgaycachiy. Jina paycunaga rïcuyarpis rïcuyäcuchun ari. Wamrancunapis sacsashancama micunanpaj cachun. Willcancunapäpis puchuy-puchuy cachun.

Eclesiastés 4:1

Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Jeremías 14:4

Mana tamyaptin fiyupa usyawan allpapis rachicäcusha. Chaymi runacunapis fiyupa llaquicur pengacushpan umancunata chapacarcärin.

Daniel 4:17

Chayno rurananpämi nisha syëlucho caycaj Diospa täpacoj anjilnincuna. Chayrämi llapan runacuna musyanga janaj pachacho caycaj Diosga llapanpaj munayniyoj cashanta; llapan munayniyoj runacunapäpis munayniyoj cashanta. Paymi pitapis churayta munashan cajtaga mandaj cananpaj churan. Chayno mas umildi runatapis nasyunpa mandajnin cananpaj churan.›

Malaquías 2:17

Tayta Diosga gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «Tayta Diosga allimi rican mana allita rurajcunatapis. Chayno ruraptinpis payga allimi rican» nir. Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir.