Job 8:6 - Tayta Diosninchi Isquirbichishan

⁶ Juchata mana ruraypa alli cajllata ruraptiqui Tayta Diosga cuydashunquipämi. Chauraga alli goyaytanami tarichishunquipaj.

Job 8:6 ပူးပေါင်းရင်းမြစ်များ

Job 1:8

Chaura Tayta Dios niran: «¿Ricashcanquichu sirbimajnë Jobta? Paynöga manami pipis canchu ura pachachöga. Payga llapan shongunpa Nogallata sirbiman. Allillata rurar goyan. Pitapis mana allita rurananpitaga fiyupami manchacun.»

Job 11:14

Aypalla juchata aparicusha cashpayquega juchayquita cachaycuyna. Famillyayquicuna juchata rurananta ama dëjaynachu.

Job 16:17

Chaynömi päsamasha imatapis mana ruraycaptë, llapan shongöpa mañacuycaptëpis.

Job 34:28

Chay fiyu runacuna ñacachiptinmi pobricunaga Tayta Diosta mañacuran. Chaura Tayta Diosnami wiyaran.

Job 5:24

Wasiquichöpis alli goyayllami canga. Uywayquicunapis manami jucpis pishengachu.

Salmos 18:25

Tayta Dios, cuyapäcoj cajtaga gampis yanapanquimi. Alli cajcunatapis yanapanquimi.

Salmos 44:23

Tayta Dios, ¿imanirtaj puñucunqui? ¡Ricchayna ari! ¡Ricchayna! Para-simriga ama witicuychu ari.

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 3:33

Juchasapacunata Tayta Diosga famillyantintami manacajman churan. Alli runacunatami ichanga famillyantinta bindisyunta gon.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Isaías 3:10

Alli runacunatami ichanga ima rurashallanpis alli llojshipanga. Allita rurashanpitami alli cawanga.

Isaías 51:9

¡Ricchayna ari Tayta Dios! Fiyupa munayniyoj cashayquita musyacächiyna ari. Mas unay caj watacuna rurashayquino, unay caj runacuna cawashan wichan rurashayquino rurayna ari. Gammi illgächishcanqui lamarcho caycaj waräcuy Rahabtapis.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.