Job 7:9 - Tayta Diosninchi Isquirbichishan

⁹ Imanömi pucutay jogaricar illgacäcun, chaynömi caycan wañur pampacöga. Sepultürapitaga manami imaypis jatarimonganachu.

Job 7:9 ပူးပေါင်းရင်းမြစ်များ

2 Samuel 12:23

Wañushana caycaptinnaga ¿imapänataj ayunashäpis? Nogaga mananami cawarachëmannachu. ¡Nogami ichanga aywashaj paywan tincoj. Payga mananami cutimonganachu tincunäpaj!»

2 Samuel 14:14

Llapanchïpis wañushunpämi. Pampaman yacuta jicharerga manami shuntanchïnachu. Tayta Diosmi ichanga pitapis mana wañuchinchu. Chaypa ruquenga imanöpapis camacächin gargushacuna ñaupanman cutinanpaj.

Job 10:21

Chaypitaga imaypis mana cutimojnami aywacushaj. Aywacushaj yanauyaycaj chacaymannami.

Job 11:8

Chaycunaga syëlupitapis mas janajchömi. Chayno caycaptenga ¿imatataj ruranquiman? Pachapa rurinpitapis mas rurichömi. Chayno caycaptenga ¿imatataj musyanquiman?

Job 16:22

Wallca watallapis cawanäpaj caj watacuna ushacaycannami. Manapis aycällatanami imaypis mana cutimoj aywacushaj.

Job 17:13

Nogataga wañuyllami shuyaraycäman. Yanauyaycaj chacayllanami wasëpis canga.

Job 17:16

Manami. Yarpashäcunawanga iwalmi pampacushaj. Allpaman ticrar iwalmi ushacäshaj.»

Job 3:13

Chay öra wañucushpäga canan cushishami caycäman caran. Jaucami jitaräcöman caran

Job 30:15

Fiyupa mancharishami ricacushcä. Rispitamashanpis cananga wayranömi illaraycan. Alli ricasha cashäpis pucutaynömi illgacäcusha. Ima-ayca charashäpis pucutayno illgacäcusha.

Job 37:11

Paymi camacächin yacuta pucutay jogarinanpäpis. Camacächin chay pucutaypita räyu llojshinanpaj.

Salmos 39:13

Amana ricapämaynachu. Ichic cacharcamay ari cay pachacho cawashäcamallapis cushisha goyapärinäpaj.»

Isaías 26:14

Chay mandajcunaga wañushanami. Manami cawarimongapänachu. Paycunaga llantuynöllami casha. Mananami jatarimonganapischu. Castigashpayqui maynami llapanta illgarachishcanqui. Paycunata pipis mana yarpänanpämi illgarachishcanqui.

Isaías 38:11

Nogaga nirä: ‹Cay pachachöga mananachari imaypis Tayta Diosta ricashänachu. Cay pachacho cawaycajcunataga mananachari pitapis ricärishänachu› nir.