Job 7:6 - Tayta Diosninchi Isquirbichishan

⁶ Caway-bïdäga päsarin tilar awajcuna lansadërata jitashannöllami. Waquenga yarpashancunata manaraj tarirmi aywacunpis.

Job 7:6 ပူးပေါင်းရင်းမြစ်များ

Job 13:15

Pay wañuchimänan captinpis jinallami shuyäcushaj. Paypa ñaupanchömi chapacur rimashaj.

Job 14:19

yacu wagruypa wagrur rumicunata ushacurcushannömi, tamya yacupis ñuchu allpata apacushannömi gampis runa yarpaycashancunata mana camacänanpämi ninqui.

Job 16:22

Wallca watallapis cawanäpaj caj watacuna ushacaycannami. Manapis aycällatanami imaypis mana cutimoj aywacushaj.

Job 17:1

«Jämaynëpis ushacaycannami. Wañuypis janächönami. Pampacunäpaj sepultürapis caycannami.

Job 17:11

Manapis aycällatanami wañucushaj. Imata rurayta yarpashäpis, munashäpis manami camacannachu.

Job 17:15

Chaura shuyarar yarpaycashäga ¿imanötaj canga? ¿Pillaga noga rurayta yarpashäcunata rurangachuraj?

Job 17:16

Manami. Yarpashäcunawanga iwalmi pampacushaj. Allpaman ticrar iwalmi ushacäshaj.»

Job 19:10

Nircur pasaypa mana allichömi cachaycamasha. ¡Jachata achurej-japuymi usharamasha!

Job 6:11

Callpäpis manami cannachu masta awantanäpänaga. ¿Imatanataj shuyäshäpis?

Job 9:25

«Cuytipitapis mas rätumi watäcunaga päsarisha. Cushicuytapis manami tarishcächu.

Salmos 102:11

Llantuy päsacojnöllami watäcunapis päsacuycan. Guewa wañuytajnömi wañuycä.

Salmos 144:4

Runaga juc jämayta cachaycuynöllami. Llantuy päsajnöllami aywacuycanpis.

Proverbios 14:32

Fiyu runataga quiquin rurashallanmi mana alliman chayachin. Alli runatami ichanga allita rurashanpita Tayta Dios chapanga.

Jeremías 2:25

Israelcuna, gamcunaga ama juc dioscunata adurayta ashiynachu. Gala-chaquilla cörrerga chaquiquita tacacunquimanmi. Alläpa cörricacharga yacunanquipämi. Chayno niptëpis gamcunaga nirayqui: ‹Imanäshätaj ari. Nogaga jäpa dioscunatami amatar cuyä. Paycunawanmi aywacö› nir.

Efesios 2:12

Yarpay manaraj Jesucristuman yäracushayquita, mana Israel casta cashayquita y jäpa runa car Tayta Diosninchïpa conträtuncho aunishancunatapis mana chasquishayquita. Cay pachacho gamcunaga cawarayqui Tayta Diospita mana musyaypami, Diospita imatapis mana shuyaraypami.

Santiago 1:11

Fiyupa shanaywan guewa chaquiptin waytanpis cuyayllapaj caycashanpita shicwacunmi. Chaynömi rïcucunapis mas rïcu cayta ashiycashallancho ushacanga.

Santiago 4:14

Gamcuna manami musyanquichu waracuna imaman chayanayquitapis. Runaga ushacajllami. Goshtaynöllami yurircur manapis aycällatana illgacäcun.

1 Pedro 1:13

Chaura sumaj tantiyacurir Tayta Diosninchi munashanno mana yamacaypa caway. Ama gongaychu Jesucristo cutimur Tayta Diosninchïpa ñaupanman pushashunayquipaj cashanta.

1 Pedro 1:24

Alli willacuynin mana ushacaj cashantaga Tayta Diospa palabranchöpis niycan: «Llapan runacunapis guewanöllami. Cuyayllapaj cashanpis waytano ushacajllami. Guewapis chaquicäcunmi, waytapis wañuytacäcunmi.