Job 7:16 - Tayta Diosninchi Isquirbichishan

¹⁶ Manami awantänachu. ¿Imapänataj cawaycäshäpis? Ama rimapämaypischu. Caway-bïdaga jämay cachaynöllami.

Job 7:16 ပူးပေါင်းရင်းမြစ်များ

Génesis 27:46

Chaypita Rebecaga runan Isaacta niran: «Esaüpa warmincunapitaga pasaypa yamacashanami caycä. Cay Canaán marcacho tiyaj Het warmiwan Jacobpis majachacaptinnaga mas allimi canman wañucuptëna.»

1 Reyes 19:4

Nircur quiquenga juc junaj goyarpoj chunyajman aywacuran. Nircur jamacuycuran retäma jachapa chaquinman chayllachöna wañucuyta yarpar. Chaymi niran: «¡Tayta Dios, amana cawachimaynachu! ¡Shuntacamayna ari! Nogapis wañucoj taytäcunata gatiytami munä.»

Job 10:1

«¡Cawaytaga yamacashcänami! Chaymi wichaypa uraypana rimashaj. Llaquisha cayllawanmi imatapis rimashaj.

Job 10:20

Noga wallca timpulla cawanäpaj caycaptëga ama ñacachimaynachu ari. Rätullapis cachaycamay ari cushisha goyapärinäpaj.

Job 14:6

Runataga amana ricapaynachu. Jauca goyäcuchun piyun aruyta ushashanno.

Job 6:9

¡Ima alliraj canman Tayta Dios llapiramaptin! Chauraga wañur usharäcömannami.

Job 7:15

Llapiramaptiqui allimi canman. Cawanäpa ruquenga juclla wañucurëman.

Job 7:7

«Yarpaycuy ari Tayta Dios, bïdäga jämay cachaynöllami. Mananami imaypis cushishaga goyashänachu.

Job 9:21

Juchaynajmi cä. Ichanga manami imananpischu. Cawaytaga yamacashanami caycä.

Salmos 144:4

Runaga juc jämayta cachaycuynöllami. Llantuy päsajnöllami aywacuycanpis.

Salmos 39:10

Amana castigamaynachu ari. Castigamashpayquimi wañuycächimanquina.

Salmos 39:13

Amana ricapämaynachu. Ichic cacharcamay ari cay pachacho cawashäcamallapis cushisha goyapärinäpaj.»

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Salmos 62:9

Runacunaga ricayllanmi caycan. Llullacuynöpis yangallami caycan. Llapanta jucllacharcur balansacho pësaptin manami ni aycapis lasanmanchu.

Salmos 78:33

Chaynöpami Tayta Diosga camacächiran illajpita jämayta cachaynölla wañunanpaj. Paycunaga ñacayllachömi goyaran.

Salmos 78:39

Tayta Diosga yarpäriran paycuna runalla cashanta, wayra päsacojnölla imaypis mana cutimoj cashanta.

Eclesiastés 2:17

Chaymi caway bïdapäga fiyupa rabyashcä. Cay pachacho ima rurashäpis casha melanäcushallämi. Rasunpaga llapanpis yangallami. Wayrata chariyta munajnöllami caycanchi.

Jeremías 8:3

Cawaycar quëdaj chay fiyu runacunataga may-chaymanpis gargushäpaj. Paycunaga cawaycänanpa ruquin wañucuytanami munanga. Noga, munayniyoj Tayta Diosmi chayno në.

Jonás 4:3

Chaypitami gamta fiyupa ruwacö juclla shuntacamänayquipaj. Juclla wañucuptëmi mas alli canga cawaycänäpa ruquenga.»

Jonás 4:8

Inti yagarcamuptinna Tayta Dios acaj wayrata wayrächimuran inti yagamunan caj lädupita. Chaura shanay Jonaspa umanman fiyupa chayaptin wañucäcojno ricacuran. Chaymi niran: «Wañucuptëmi alli canman cawaycänäpa ruquenga.»