Job 6:14 - Tayta Diosninchi Isquirbichishan

¹⁴ «Ñacaycaj amïgunchïtaga cuyapanchïmi, Tayta Dios nishancunata mana cumliptinpis.

Job 6:14 ပူးပေါင်းရင်းမြစ်များ

Génesis 20:11

Chayno niptinmi Abrahampis niran: «Nogaga yarparä cay pachacho pipis Diosta mana adurashantami, warmë-casha wañuycachimänantami.

Job 1:5

Cada fista ushayllan Jobga wamrancunata gayachej. Nircur tutalla jatarcushpan rupachina sacrifisyuta Tayta Diospaj pishtaj cada-ünun wamrancuna limyuyänanpaj. Chaynöga Job ruraj «Wamräcunaga juchatapis rurashachari. Mana allicunatapis Diospäga yarpashachari» nir. Cadallami Jobga chayno ruranyaj.

Job 15:4

Tayta Diosta manchacuna cashantapis gamga manami tantiyanquinachu. ¡Llapan shongunpa Tayta Diosta adurana cashantapis chapatami ruraycanqui!

Job 16:5

Nogaga gamcunata alli shimëpami parlapäman. Shacyachëman. Masta balurta göman.

Job 19:21

«Amïgöcuna cuyapaycamay ari. Nogataga Tayta Diosmi castigaycäman.

Proverbios 17:17

Alli amïguga manami cachaycushunquichu. Llaquicuycunacho captiquipis payga wauguiquinömi.

Proverbios 25:19

Llaquicuy cashan öra mana cumlej runaman yäracöga chaquin paquicusha puriycajnömi, uchcu quirun nanaycaptin chucru micuyta micuycajnömi.

Zacarías 7:9

«Nogaga caynömi në: Gamcunaga allillata ruray. Pï-maypäpis alli cay. Jucniqui-jucniquipis cuyapänacuy.

Lucas 23:40

Chayno niptinmi jucnin cäga piñacuran: «Gampis payno ñacaycashpayquega ¿manachu Tayta Diosta manchacunqui?

Romanos 12:15

Cushicojcunawan cushicuy. Wagajcunawan wagay.

1 Corintios 12:26

Juc parti cuerpunchi nanaptenga intërunchïmi mana alli ricacun. Cuerpunchïcho maygan partitapis alli ricashaga chay partiwan llapan partimi cushicun.

2 Corintios 11:29

Juc ermänu ñacaptenga fiyupami llaquicö. Juchaman chayachejpäga fiyupami rabyä.

Gálatas 6:2

Jucniqui-jucniquipis shacyächinacur yanapänacuy. Chayno cawarga Taytanchi Jesucristo munashantami rurarcaycanqui.

Hebreos 13:3

Carsilcho caycajcunatapis ama gonganquichu quiquiquicuna carsilcho caycaj-japuy. Ñacajcunatapis cuyapanquiman quiquiquicunapis ñacaycho caycaj-japuy.