Job 5:9 - Tayta Diosninchi Isquirbichishan

⁹ ¡Paymi ruran mana ricashanchi fiyupa almiraypajcunata! ¡Chaycunataga pipis manami tantiyanchu!

Job 5:9 ပူးပေါင်းရင်းမြစ်များ

Job 10:16

Uysuraycashäpita ricäramuptë gamga liyunnömi gaticachämanqui. Ushacächimänayqui-cashami tucuyta ruraycanqui.

Job 13:1

«Chaycunataga llapantapis quiquëmi ricashcä; quiquëmi wiyashcä.

Job 37:14

«Job, sumaj tantiyacunayquipaj wiyamay. Masqui sumaj yarpay fiyupa almiraypajcunata Tayta Dios rurashanta.

Job 37:16

¿Gam musyanquichu wayrawan pucutay imano puriycashantapis? Chaycunaga musyachimanchi fiyupa yachaj Dios cashantami.

Job 37:5

Dios busninta junruruchimuptenga fiyupa almiraypämi ruracan. Payga tantiyayta mana atipashanchïcunatami ruran.

Job 42:3

Gamga tapumashcanqui ‹¿Pitaj gamga canqui yarpashäcunata manacajman churanayquipaj?› nir. Nogaga rimaycashcä mana tantiyashä cajcunatami. Rimaycashcä fiyupa almiraypaj cajcunapaj, mana tantiyaypaj cajpämi.

Job 9:10

Payga tucuy-niraj mana atipaypaj milagrucunatami ruran. Chaycunaga yupaytapis mana atipaypämi.

Salmos 139:18

Yarpashayquicunata yupayta munaptëga agushpitapis mas aypallami caycan. Manami imaypis yupayta atipämanchu.

Salmos 145:3

Tayta Diosga fiyupa munayniyojmi. Chaymi alabananchi camacan. Pay munayniyoj cashanga tantiyaytapis mana atipaypämi.

Salmos 40:5

Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.

Salmos 40:6

Gamga manami cushicunquichu uywacunata pishtapäshushallayquipita, ni chaqui micuycunata garashushallayquipitapis. Aychata rupachipäshushallayquipitaga manami perdunanquichu. Chaycunapa ruquenga gamta wiyacunallätami munanqui.

Salmos 72:18

Israelcuna rispitashan Tayta Dios alabasha caycullay. Gamllami ima-aycatapis almiraypajcunata ruranqui.

Salmos 86:10

¡Gam japallayquimi Diosga canqui! Gamllami canqui munayniyoj, milagrucunata rurajpis.

Eclesiastés 3:11

Tayta Diosmi llapantapis camacächiran timpuncho cananpaj. Runatapis camaran shamoj watacunacho ima päsananpaj cajtapis yarpachacunanpaj. Chaypis runa manami tantiyayta atipanchu gallarinanpita ushanancama Tayta Dios camashancunata.

Isaías 40:28

Ichanga gamcuna ¿manachu musyanqui? ¿Manachu wiyashcanqui? Imaycamapis cawaj Tayta Dios mundu intëruta camäga manami yamacanchu, manami uticanpischu. Pay yarpashanga mana atipaypämi.

Romanos 11:33

Tayta Diosninchëga fiyupa cuyapäcojmi. Payga fiyupa yachajmi y musyajmi. Manami pay imata munashanta ni rurashantapis tantiyayta atipanchïchu.