19 Tayta Diosga ima mana alli chayashunayquipita yapay yapaymi salbashunquipaj. Manami camacächengapächu mana alli chayashunayquitaga.
Allillata ruraj runacunataga imapis mana allicunarämi chayan. Chaycunapitaga llapanpitapis Tayta Diosmi salban.
Tayta Diosmi tulluncunatapis rican. Chaymi juc tullullanpis mana paquengachu.
Gammi camacächishcanqui manacajcunallapis manacajman churamänanpaj. Chayasha mayuman yagajnömi, ninacho rupajnömi fiyupa mana allicunaman chayachimashcanqui. Chaypitarämi ima-aycapis cananpaj yanapämashcanqui.
Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.
Mana alliman ganchis cuti chayarpis alli runaga allichömi llojshenga. Fiyu runacunami ichanga mana alliman chayar chayllachöna ushacanga.
Sojta castata, asta ganchis castatami Tayta Diosga fiyupa melanäcun:
Mayucunata chimpaptiquipis nogaga gamcunawanmi caycäshäpaj. Mayu yacupis manami apashunquipächu manami shenganquipächu. Nina chaupinpa päsaptiquipis manami rupashunquipächu. Gamcunachöga ninapis manami ratangapächu.
Ichanga gamta chapäshayquimi manchacuycashayqui runacuna prësu mana charishunayquipaj.
Nina rataycaj wayllasha jurnuman gaycamaptinpis nogacuna adurashä Diosnëga salbamanmanmi. Gam fiyupa mana allita ruramayta munaycashayquipitapis salbamanmanmi.
«¡Nogaga ricaycä nina chaupincho chuscoj runacuna cachaylla puriycämojtami. Ninapis manami rupanchu. Jucmi ichanga anjil-niraj caycämun!»
Chayno niptin rayga Danielta apachimuran liyuncuna caycashan uchcuman garpurinanpaj. Ichanga manaraj garpuptin rayga Danielta niran: «¡Mana jamaypa sirbishayqui Diosniqui salbaycushunqui ari!» nir.
Daniel uchcuchöna caycaptin apamuran jatun läja rumita. Chaywan uchcuta chaparcäriran. Nircur rayga sëllunwan sëlluran. Chayno rayta mandäshejcunapa sëllunwanpis sëlluran Danielpäpis laycho niycashanno mana rucacänanpaj.
Llapanchïpäpis simrimi imallapis juchaman chayachiyta munamajninchi canga. Ichanga Tayta Diosman yäracusha pay musyanmi maycamalla awantananchïpaj cajtapis. Chaymi ima jucha ruraycunapis tunichiyta munamaptinchi yanapämäshun mana tuninanchïpaj.
Ermänucuna, Asia probinsyacho nogacuna fiyupa ñacashäta yarpanquiman. Fiyupa ñacachimaptinmi cawaytapis mana yarparänachu.
Chaynöpami musyanchi yäracojcunataga Tayta Diosninchi salbashanta. Juchasapacunatami ichanga ñacaycächin. Y fisyu junajpis ñacayman gaycurenga.