Job 5:18 - Tayta Diosninchi Isquirbichishan

¹⁸ Pay garayquita rachishpanga jampipäshunquimi. Castigashushpayquipis allchacächishunquimi.

Job 5:18 ပူးပေါင်းရင်းမြစ်များ

Salmos 147:3

Paymi allchacächin llaquicuycajcunatapis. Guerincunatapis räpuwan watapan.

Isaías 19:22

Tayta Diosga Egiptucunata castigarcushpan yanapanganami. Paycunapis Tayta Dios nishallantanami ruranga. Chaura Tayta Diospis paycunata cuyapashpan yanapanganami.

Isaías 30:26

Tayta Diosga jampipashpan watapangapämi pay castigar däñashan runacunapa guerinta. Chauraga quillapis achicyangapaj intinörämi. Intipa achicyayninnami cangapaj ganchis intipa achicyayninnöraj.

Jeremías 30:17

Gamtami ichanga gueriquicunata jampipäshayqui. ‹Dios cachaycushan siudä› nir manacajman churashuptiquipis gamtaga allchacächishayquipämi. Noga Tayta Diosmi chayno në.»

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Levítico 14:48

«Wasita ribucashanpitaraj cüra ricar ganrata manana tarir ‹Cay wasiga limyumi› nengana. Mupalliyga illgashana canga.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.

1 Samuel 2:6

Tayta Diosmi cawayta gomanchi, wañuymanpis chayachimanchi. Paymi wañushacuna caycashanman chayachimanchi. Chaypitapis cutichimanchi.