Job 5:14 - Tayta Diosninchi Isquirbichishan

¹⁴ Paycunaga yanauyaycaj chacaycho chacäpacusha caycajnöpis junaj pachapami yatayllapa purircaycan.

Job 5:14 ပူးပေါင်းရင်းမြစ်များ

Job 12:25

Chaychönami chacaychöno yatayllapa, machasha runacunano tapraypa-taprar purin.

Job 15:30

Yanauyaycaj chacaypitaga manami imanöpis gueshpengapächu. Chay runaga ricacongapaj jachapa rämancunata nina wapcharishannömi. Tayta Dios pücariptin ushajpämi ushacanga.

Job 18:18

Cay pachapitaga jitarenga. Achicyajcho caycajtapis chacajmanmi gaycurenga.

Job 20:26

Fiyupa yanauyaycaj chacaymi ñiticurconga. Pipis mana waycupashan nina ratarirmi rupar ushacurconga. Wasincho quëdajcunatapis llapantami ushacurconga.

Job 22:11

Gampäga llapanpis chacajlla captinmi imatapis mana ricanquichu. Aypalla yacu shamur ñitejnömi gueshyaga ñitiycäshunqui.

Job 24:13

«Waquin runaga manami munanchu achicyaj pachata. Chacajllacho cawacuytami munan. Cawashancamapis manami ruranchu alli cajcunataga.

Job 38:15

Chaura fiyucunaga mayman pacacuytapis mananami camäpacunnachu. Mana allicunata ruraytapis manana puydinnachu.

Éxodo 10:21

Chaura Tayta Diosga Moisesta niran: «Syëlupa maquiquita jogariy intëru Egiptucho pacha chacacäcunanpaj. Chauraga yana mancapa siquinnörämi fiyupa chacacäconga.»

Éxodo 10:22

Maquinta Moisés jogariptin intëru Egiptucho fiyupa chacacäcuran. Chayno chacaylla cacuran quimsa junajcama.

Proverbios 4:19

Juchasapacuna mana alli goyashanmi ichanga caycan fiyupa manchacuypaj yanauyaycaj chacayno. Chay runacunaga manami musyanchu imaman tacacushantapis.

Isaías 59:10

Gapracunanöpis pergata yatayllapami puriycanchi. Ñawiynajnöpis tapra-taprami puriycanchi. Las-dösi inti caycaptinmi chacaypanöpis tacacanchi. Callpallanchïchöraj caycarmi wañushanöna carcaycanchi.

Amós 8:9

Tayta Dios nin: «Chay nishä junajmi camacächishäpaj inti las-dösicho caycaptin pacha chacacäcunanpaj. Pullan junaj alli achicyaraycaptinmi camacächishaj intëru mundupa chacay ricacunanpaj.

Deuteronomio 28:29

Gaprayasha carmi junajpapis chacaypano lamcaycachar purinquipaj. Ima rurashayquipis yangallami canga. Waran waranmi engañashunquipaj, ñacachishunquipaj. Pipis faburniqui mana captinmi suwacuna imayquitapis apaconga.