Job 42:16 - Tayta Diosninchi Isquirbichishan

¹⁶ Chaypita Jobga cawaran pachac chuscu chuncan (140) wataraj. Chaymi ricaranraj wamrancunata, willcancunata, asta chuscu miraycamaraj.

Job 42:16 ပူးပေါင်းရင်းမြစ်များ

Génesis 11:32

Haranllachöna Tarëga wañucuran ishcay pachac pichgan (205) watayoj caycashancho.

Génesis 25:7

Abrahamga cawaran pachac ganchis chunca pichgan (175) watayoj canancama.

Génesis 35:28

Pachac pusaj chuncan (180) watayoj caycashancho Isaacga wañuran.

Génesis 47:28

Egiptuchöga Jacob tiyaran chunca ganchisnin (17) wataraj. Chaura pay caran pachac chuscu chunca ganchisnin (147) watayoj.

Génesis 50:23

Chaymi wamran Efrainpa willcanpa wamrantapis ricaranraj. Manasespa wamran Maquirpa wamrancunatapis Josëga wamrantanöraj chasquiran.

Génesis 50:26

Egiptucho José wañuran pachac chuncan (110) watayoj caycashancho. Wañuptin Josëpa cuerpuntapis mëdicucuna jampiran aychan mana gotucänanpaj. Jampircärir cajunman churaycäriran.

Job 42:15

Jobpa jipash wamrancunano cuyayllapäga manami maychöpis caranchu. Paycunatapis papänenga erensyata raquiparan turincunatawan iwal.

Job 42:17

Jobga wañuran pasaypa auquinyayllaparaj.

Salmos 128:6

Willcayquitapis ricanayquicamarämi cawanqui. ¡Israelchöga alli goyay caycullächun!

Salmos 90:10

Ganchis chunca (70) watayajllanami cawäcuna. Sinchinnin cajcunallami chayan pusaj chunca (80) watayojcama. Chayno cawashpäcunapis cawäcuna ñacallar, arullar. Watäcunapis manapis aycällatami päsarin. Nogacunapis chachayacäcöna.

Proverbios 17:6

Auquin chacwanga willcan captin cushishami goyan. Wamrancunapis cushishami cawan maman-taytan cawaptenga.

Deuteronomio 34:7

Moisés wañuran pachac ishcay chuncan (120) watayoj caycashanchömi. Wañunancamapis paypa ñawenga manami chacaranchu. Manami gueshyaranpischu.

Josué 24:29

Chaypita manapis aycällatanami Nunpa wamran Josuëga wañucuran. Payga Tayta Diosta sirbejmi caran. Josué wañucuran pachac chuncan (110) watayoj caycashancho.