Job 41:32 - Tayta Diosninchi Isquirbichishan

³² Aywashan guepanpaga yacu quëdan yur'garaycar achicyaypa achicyar-raj. Chaura lamar yacuga ricacun soguyacäcushanörämi.

Job 41:32 ပူးပေါင်းရင်းမြစ်များ

Génesis 1:2

Cay pachaga manami canan caycashannöchu caran. Manami imapis caranchu. Chacay yanauyaycaj yacu juntashalla caran. Chay yacu janallanchömi Tayta Diospa Espiritonga tumaycaran.

Génesis 15:15

Gamga auquinyänayquicamami cawanquipaj. Alli wañuypanami wañucunquipäpis. Wañorga ñaupa wañoj castayquicunawan tincojnami aywacunquipaj.

Génesis 25:8

Payga wañucur ñaupa wañoj castancunawan tincojna aywacuran. Pasaypa auquinna cashpan alli wañuypana wañucuranpis.

Génesis 42:38

Chaura Jacobga niran: «Gamcunawanga wamrä manami aywangachu. Wauguin Josëpis wañushana. Pay japallannami quëdasha. Aywaycashancho imapis päsaptenga gamcunami juchayoj canquipaj noga llaquicuyllawan wañunäpaj.»

Job 28:14

May-may jatun lamarpis ‹caychöga manami canchu› ninmi. Ruri yanauyaycaj lamarpis ‹nogachöga manami canchu› ninmi.

Job 38:16

«¿Gam yaycushcanquichu pacha rurin uchcuman? Chayno ¿ricashcanquichu lamar yacu maypita pashtaycämushantapis?

Job 38:30

¿Pitaj yacuta tintichir ticrachin rumimannöraj? ¿Pitaj lamarpa janancunatapis tintichin?

Job 41:31

Yacunpa aywarga may-may ruri lamartapis timpurachimun mancacho yacu timpuycajtanörämi. Mancacho caycaj yacuta poshgachejnörämi timpurachimun.

Job 41:33

Chay-niraj animalga manami canchu cay pachachöga. Leviatanga rurasha caycan imaypis mana manchacunanpämi.

Proverbios 16:31

Allillata rurajcunaga chachayänancamami cawan. Sogu caynenga corönanömi cushicachin.

Proverbios 20:29

Timpu callpallancho cashpan mösucunaga cushicunmi. Ajchan soguna captinmi auquincunatapis rispitan.