Job 40:13 - Tayta Diosninchi Isquirbichishan

¹³ Cay pachacho cajtaga llapanta pampariy. Nircur wichgarcuy wañushacuna prësu caycashan cajman.

Job 40:13 ပူးပေါင်းရင်းမြစ်များ

Ester 7:8

Wayta cajpita ray cutir wasiman yaycurishancho Amantaga ricäriran Ester jatun silluncho weguraycashan ñaupancho gongurparaycajta. Chaura rayga sinchipa niran: «Raynawanpis cacuyta munanquiraj, wasëcho canpis, quiquëpis ricaycaptë.» Chayno ray niptin jinan öra Amanpa umanta suldärucuna chaparcuran.

Job 14:13

«¡Ima alliraj canman rabyashayqui gasacänancama wañushacuna caycashanman pacaycamaptiqui! ¡Ima alliraj canman rabyashayquipita alliyärishpayqui yarparcamaptiqui!

Job 36:13

Fiyu runacunami ichanga ñacarpis fiyupa rabyan. Tayta Dios cadinarächiptinpis manami mañacunchu yanapänanpäpis.

Job 40:14

Chauraga quiquëpis nishämi ‹Munayniquiwanmi salbacushcanqui› nir.

Salmos 49:14

Chay runacunaga carcaycan michejta gatiraj uyshanömi. Wañuymi paycunataga pushacuycan wañojcuna caycashan cajman. Chaycho riccharcamuptin allita rurajcunami munaynincho chararanga. Chaychöga ima-aycanpis mananami canganachu. Sepultürallanami canga para-simri wasin.

Isaías 2:10

Runacunaga pacacongapaj gagapa shillincunamanmi. Pampata uchcuriycärir allpa rurinman yayconga. Chaynöga pacaconga manchacuypaj munayniyoj Tayta Diospitami.

Juan 11:44

Chayno niptin wañusha jitaraycashanpita Lazaroga uchcupita llojshimuran uman pitusha, maquin chaquin pitusha. Llojshiramuptinnami Jesús niran: «Purinanpaj pascay-llapa.»

1 Samuel 2:9

«Paymi sirbejnincunataga rican. Fiyu runacunami ichanga juchallancho wañun. Callpallanwanga pipis manami alli llojshinchu.