Job 38:8 - Tayta Diosninchi Isquirbichishan

⁸ «Allpa chaupinpita lamar yacu pashtamuptin ¿pitaj churasha puncucunata chay uchcuta chapananpaj?

Job 38:8 ပူးပေါင်းရင်းမြစ်များ

Génesis 1:7

Diosga chay nishannölla asulyaraycämojta camaran yacu ishcay pachaman raquicänanpaj. Waquin caj yacu quëdaran uracho, waquin cajnami janajcho.

Génesis 1:9

Chaypitana Tayta Dios niran: «Ura caj yacu juc pachallaman shuntacächun allpa ricacänanpaj.» Chaura nishannölla caran.

Job 28:25

Tayta Diosmi wayrapa callpantapis gosha. Yacutapis nisha maycamalla chayananpäpis.

Job 38:10

Nogami señalapashcä lamar maycamalla chayananpäpis. Yacu llojshimunan puncuntapis lläbiwan lläbircushcä.

Job 38:9

Nogami camacächishcä pucutay cay pachapa röpanno cananpaj, yanamaraycaj pucutaytapis churapashcä inchananpaj.

Salmos 104:6

Lamar yacumi cay pachataga ñitiraran runata röpan chaparajno. Puntacunatapis yacuga ñitiraranmi.

Salmos 107:24

Lamar chaupichöna caycashpan ricaran Tayta Dios fiyupa almiraypajcunata camashanta.

Salmos 33:7

Paymi shuntaran juc pachallaman aypalla lamar yacutapis.

Proverbios 30:4

¿Pitaj syëluman wichasha? ¿Syëlupita caymanpis pitaj urämusha? ¿Piraj llapan wayrata aptaranman? ¿Piraj lamar yacuta jacunwan guepinman? ¿Piraj camacächiran cay pachapa lindancunata? Llapan chaycunataga pipis rurashami canga. Quiquinta rejsir jutinta yachashpayquega mä willamay. Wamranpa jutintapis mä willamay.

Proverbios 8:29

Allpa jananman mana llojshimunanpaj lamar yacuta camacächiptin, allpa mana cuyucunanpaj sumaj tacyachiptin

Isaías 40:12

¿Pitaj maqui paltanta ucrurcachillar lamar yacuta tupusha? ¿Pitaj imano jatun caynintapis syëluta cuartasha? Cay pachacho caycaj llapan ñuchu allpata ¿pillaga juc tupuman tupushachuraj? Puytush lömacuna, puntacuna ayca lasashantapis musyananpaj ¿pillaga pësashachuraj?

Jeremías 5:22

Noga Tayta Diosmi cayno në: ¿Gamcunaga manachu imanillarpis manchacamanqui? ¿Manachu ñaupächöga sicsicyanqui? Lamar cantucho agush caycajtapis nogami churashcä lindata. Chaymi chaypita mastaga lamar yacupis mana päsamunnachu. Wayrawan ruyrucarcur-ruyrucarcur gaparar shamurpis chay jananpaga manami päsamunnachu.