Job 27:23 - Tayta Diosninchi Isquirbichishan

²³ Chay wayraga fiyupa gaparashpan shucar-rämi gaticachanga.»

Job 27:23 ပူးပေါင်းရင်းမြစ်များ

1 Reyes 9:8

Chaura cay Temploga quëdangapaj ragällami. Llapan chaypa päsajcunaga ‹¿imanir-raj Tayta Diosga chayno ruraycusha cay nasyuntawan Templutaga?› nirmi asipanga.

Job 18:18

Cay pachapitaga jitarenga. Achicyajcho caycajtapis chacajmanmi gaycurenga.

Job 20:8

Chacaypa ricapacushannömi, suyñuynincho ricashannöllami illgangapaj. Chauraga pipis manami tarengapänachu chay runataga.

Job 28:1

«Rejsisha jircachömi caycan guellay mïnaga. Chayno rejsisha partichömi caycan gorita acranapäpis.

Job 34:37

Jobga manami juchallatachu ruraycan. Jananmanpis mana wiyacojmi. Noganchi wiyaycashapis Diostaga manacajman churaycan. Jananmanpis Diospa contran parlan.»

Job 7:10

Wasinmanpis mananami imaypis cutinnachu. Famillyancunawanpis manami tincunnachu.

Proverbios 11:10

Alli runacuna alliman chayaptenga marca intërumi cushicun. Fiyu runacuna mana alliman chayaptinpis marca intërumi cushicuywan pinticachan.

Jeremías 19:8

Cay siudätami chunyajman ticrachishaj. Fiyupa manchariypämanmi ticrachishaj. Pipis chaypa päsajcunaga ushajpaj ushacasha caycajta ricaycur manchariywan chiyacasha ricarpanga.

Lamentaciones 2:15

Näninpa päsajcunaga cushipäshushpayqui maquintapis macshunraj. Manacajman churashushpayqui umantapis awinraj. Jerusalén, gampäga caynömi nin: «¿Tagaychi caycan ‹intëru munducho caj siudäcunapita mas cuyayllapaj› nishan siudä?» nir.

Ezequiel 25:6

« ‹Noga Tayta Diosmi në: Amón runacuna, Israelcuna mana alliman chayaptin, gamcunaga cushicuypitami pinticachar macshurayqui, manacajman churarayqui.

Miqueas 6:16

Chaynöga cangapaj ray Omriwan, ray Acabpa famillyancuna nishancunata, rurashancunata, wiyacur rurashayquipitami. Chaypitami cananga noga camacächishaj Jerusalenta illgächinanpaj. Chaycho tiyaj runacunataga pasaypa manacajmanmi churanga. Llapan nasyun runacunami jamurpangapaj acrashä runacunataga.»

Nahúm 3:19

Manami jampi cannachu gueriquipaj. Gueriquega caycan mana allchacajmi. Mana alliman chayashayquita mayajcunaga llapanmi cushicuywan macshongaraj. ¿Pï-mayraj mana ñacashachu fiyupa ñacachiptiqui?»

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.