Job 27:2 - Tayta Diosninchi Isquirbichishan

² «Alli arriglamayta mana munasha captinpis, fiyupa ñacachimasha captinpis Munayniyoj Tayta Diospa jutinchömi jurä:

Job 27:2 ပူးပေါင်းရင်းမြစ်များ

2 Samuel 2:27

Chaura Joab niran: «Nogaga Diosninchïpa jutincho jurä. Tutalla rimacuptiquega canan öra manami suldärucuna gaticachäshunquimanchu caran. Manami imapis canmanchu caran.»

1 Reyes 17:1

Juc runami caran Galaad parti Tisbe marcapita. Paymi profëta Elías caran. Paymi ray Acabta niran: «¡Israelpa Tayta Diosninta sirbishäpa jutincho jurarmi noga në: Shamoj watacunachöga fiyupa usyami canga. Noga manaraj nishäcamaga manami ni juc shullayllapis shicwamongapächu!»

1 Reyes 18:15

Chayno niptin Eliasga niran: «Munayniyoj Tayta Diospa jutinchömi jurä: canan junajmi Acabwan tincushaj.»

2 Reyes 4:27

Chaypita chayaran Eliseo cajman. Chayaycur chaquinpita macallacurcuran. Chaura Gieziga cachachiyta munaran. Eliseona niran: «Ama rimapaychu. Fiyupa llaquishami caycan. Ichanga Tayta Dios manami nimanrächu imapita llaquicuycashantapis.»

Job 10:3

Nogataga quiquiquimi camamashcanqui. Chayno camaycämarga ¿imanirtaj ashiycanqui jucha rurashäcunata? ¿Imanirtaj camacächinqui fiyu runacuna mana alli ruramänantapis?

Job 16:11

Diosmi cachaycamasha fiyu runacunapawan wañuchicojcunapa maquinman.

Job 19:6

Gamcunaga musyanquiman: Tayta Diosmi togllanwan nogataga charimasha. Paymi camacächisha cayno canäpaj.

Job 23:16

Ima-aycapäpis munayniyoj Tayta Diosmi fiyupa manchariycächiman.

Job 34:5

Jobga nin: ‹Nogaga juchaynaj runami cä. Chaypis Diosga manami alliga arriglamanchu.

Job 35:2

«Job, gamga Diosta ‹juchaynajmi cä› nishcanqui. Chayno nerga ¿allitachuraj nishcanqui?

Job 40:8

Gamga ¿pantaycashätachu yarpaycanqui? ¿‹Juchaynajmi cä› nishpayquichu, nogataga ‹juchayoj canqui› niycämanqui?

Job 9:17

Ichanga löcu wayra usharamänanpämi payga camacächinman. Imatapis mana ruraycaptillämi guerëcunapis piyurpacäcunman.

Job 9:18

Fiyupami llaquicachimanman. Jämayta cachanalläpäpis balurnë manami canmannachu.

Isaías 40:27

Jacobpita miraj Israelcuna, ¿imanirtaj cayno ninqui: «Tayta Diosga manami musyanchu imano goyaycashätapis. Diostaga manami imapis gocunchu imano caycashäpis» nir?

Jeremías 12:16

Chay runacuna acrashä runacunata Baal diosta adurayta manana yachacherga acrashä runacunanönami cangapaj. Ichanga yachachicuynëcunata yachacunan, aduramaytapis yachacunan.

Jeremías 4:2

rasunpa juraptiqui llapan nasyuncunapis bindisyunta chasquengami. Chauraga runacuna cushicushpan nogatami alabamanga.»

Jeremías 5:2

Chay runacunaga ‹Tayta Diospa jutinchömi jurä› nirpis janan shongullami juran.»

Ezequiel 33:11

Ichanga noga Tayta Diosmi jurashpä në: Nogaga manami munächu jucha ruraj runa wañunanta. Chaypa ruquenga munä mana allita ruraycashanta cachaycur allina cawanantami. Israelcuna mana allita rurarcaycashayquitaga cachaycuyna. ¿Imanirtaj wañuyta ashircaycanqui?

Números 14:21

Rasunpami nogaga imaycamapis cawä. Intëru mundupis maquillächömi caycan.

Rut 3:13

Ima captinpis chayllacho tutacama puñucuy. Warami musyashun chay runa shuntayta munashushayquita, mana munashushayquitapis. Lay nishanno cumlerga allimi shuntacushunqui. Mana munaptenga nogami shuntashayqui. Nishätaga rasunpami cumlishaj. Tayta Diospa ñaupanchömi auniycä. Cananga tutacama puñucuy.»

1 Samuel 14:39

Nogaga Israelcunata salbaj Tayta Diospa ñaupanchömi canan jurä. Wamrä Jonatanpis juchata rurasha carga wañuchun.» Suldärucunaga pipis mana imatapis rimacuranchu.

1 Samuel 14:45

Niptenga llapan runana Saulta niran: «Jonatanga ama wañuchunchu. ¡Paychaj Israelcunatapis pillyachöga binsichisha! ¡Tayta Diosga manami camacächengachu Jonatán wañunanta! Payga llapantapis Tayta Dios yanapaptinmi rurasha.» Chaynöpami llapan runa Jonatanta salbaran.

1 Samuel 20:21

Nircur uywaynëta nishaj, ‹ayway ashimunqui lëchacunata› nir. ‹Lëchaga caycan cay-läduyquichömi. Ayway apamuy› niptëga ama manchacunquichu. Manami imatapis rurashunquipächu. Tayta Diospa jutinchömi jurä.

1 Samuel 25:26

Ichanga Tayta Diosmi mana munashachu gam aywaycamur runata wañuchinayquita. Quiquiqui pägacunayquitapis mana munashachu. Tayta Diosga llapan chiquinacushayquita castigachun. Gamta chiquishojcunataga Nabaltano imapis chayachun.

1 Samuel 25:34

Israelcunapa Tayta Diosninpa ñaupancho rasuntami rimaycä. Gamcunata wañuchinätami chapämasha. Juclla mana taripämaptiquega Nabalpa ollgu caj famillyan waraga manami jucpis cawanmannachu caran.»