Job 24:5 - Tayta Diosninchi Isquirbichishan

⁵ Pobricunaga chunyaj chaqui jircacho cacoj chucaru uywanöpis fiyupa ñacar-rämi micuytapis tarin. Wamrancunapäpis fiyupa ñacar-rämi micuyta tarin.

Job 24:5 ပူးပေါင်းရင်းမြစ်များ

Génesis 16:12

«Chay wamrayquega jirca chucaru bürrunömi cangapaj. «Payga llapanwanmi pillyangapaj. Paytapis wacpita caypitami magangapaj. Wauguincunawanpis chiquinacurmi goyangapaj.»

Génesis 27:40

Magashunayquipaj shamuptin espädayquiwan difindicurmi cawanquipaj. Wauguiquipa munayninchömi canquipaj. Chaypis callpachacorga maquinpita llojshinquipämi.»

Job 12:6

Suwacunami ichanga cushisha goyan. Tayta Diosta rabyachejcunapis jaucami goyan. Paycunaga Tayta Diospa munaynincho caycashanta yarpashpanmi mana yarpachacuypa cawan.

Job 24:14

Runata wañuchejcunaga chaca-chacallami purin pobricunata wañuchinanpaj. Pacha chacarcuptinna suwaman ticran.

Job 24:6

Paycunaga aywan runapa chacrancunacho quëdaj rïguta shuntacoj. Man'chäga aywan fiyu runacunapa chacranmanpis übas ashicoj.

Job 5:5

Murupacushan pogojcunata pishipacajcunami micucarcärin. Cashayoj jachacunapa rurincho caycaptinpis shuntacarcärin. Ima-ayca charashancunatapis lajwaypa lajwar yargajcunana ushacurcun.

Salmos 104:23

Chauraga runacunanami aroj llojshipäcun. Nircur arun pacha tardiyänancama.

Proverbios 4:16

Mana allita rurananpaj yarpashanta manaraj rurashancamaga manami jamaytapis tarinchu. Pitapis manaraj mana alliman chayachishancamaga paycunapäga manami puñuypis puñuychu.

Jeremías 2:24

China bürru ashicur orgu bürrupa asyayninta mayacachar chunyajpa cörricachajnömi cashcanqui. Chay china bürru ashicushantaga manami pipis chawächinchu. Orgupis ashishpanga manami alläpa uticangachu. China bürruta ashiycashanta rätumi tarenga.

Oseas 7:6

Mandajcunaga mana alliman chayachinan-cashallami rayman aywan. Warayllatami yarpachacuycar wararcun warannin tuta raypa contran imano rurananpäpis.

Oseas 8:9

mana tantiyaj chucaru bürruno Asiriaman aywashanpita. Efraín runacunaga aunisha Asiriacuna yanapaptin pägananpämi.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Sofonías 3:3

Mandajniquicunaga caycan liyuncuna gaparpajnömi. Juezniquicunapis caycan chacaypa cäsata ashiycaj atojcunanömi. Paycunaga cäsata charishpan waranninpaj imantapis mana cachaycojnömi carcaycan.

Juan 18:28

Manaräpis pacha waraptin Caifaspa wasinpita Jesusta aparan Pilatupa despächunman. Payga Roma gobernadormi caran. Mandaj Israelcunaga gobernadorpa despächunman mana yaycuranchu «Mana Israel runapa wasinman yaycorga ganrami ricacushunpaj. Pascua fista micuytapis manami micushunpänachu» nir.

Hechos 23:12

Pacha wararcuptinna waquin Israel runacuna juracuycaran. Nircur jurar niran «Pabluta manaraj wañucherga ama imatapis micushunchu, ni upushunpischu» nir.