Job 22:5 - Tayta Diosninchi Isquirbichishan

⁵ Chaypa ruquenga castigaycäshunqui mana allita rurashayquipitami, mana atipaypaj juchata rurashayquipitami.

Job 22:5 ပူးပေါင်းရင်းမြစ်များ

Job 11:14

Aypalla juchata aparicusha cashpayquega juchayquita cachaycuyna. Famillyayquicuna juchata rurananta ama dëjaynachu.

Job 11:6

Payga tantiyachishunquimanmi imano yachay cashantapis. Chay yachaycuna noganchïpäga mana tantiyaypämi. Chayrämi musyanquiman jucha rurashayquiman-tupu Tayta Dios mana castigashushayquita.

Job 21:27

«Nogaga musyaycämi nogapaj gamcuna imano yarpaycashayquitapis, mana allita nogapaj yarpaycashayquitapis.

Job 32:1

Chay quimsaj runacuna Jobwan rimanacuycashanpita upällacaycäriran Job yaparir-yaparir «juchaynaj cä» niptin.

Job 32:2

Chauraga Ram famillyapita mirar aywaj Buz parti runa Baraquelpa wamran Elihú, Jobpaj rabyacurcuran «juchaynaj caycaptë Dios castigaycäman» nejta wiyashpan.

Job 32:3

Jobpa quimsa amïguncunapäpis rabyacurcuran imanöpapis mana cutichiyta camäpacur Tayta Diosta manacajman churashanpita.

Job 36:17

Fiyu runacunata castïgu chayashallanpämi gamga yarpachacuycanqui. Ichanga jusgar castigashuptiqui manami imanöpapis chapacunquipächu.

Salmos 19:12

¿Piräshi tantiyacunman juchata rurashantaga? ¡Perdunaycamay ari Tayta Dios mana musyaynëpa juchata rurashäcunata!

Salmos 40:12

Yupaytapis mana atipaypämi mana allicunaga chayamasha. Quiquë mana allita rurashäcunallami chayamasha. Chaycunapita imanöpa llojshiytapis manami camäpacöchu. Balurnëpis manami cannachu. Juchäcunaga ajchäpitapis mas aypallami.