Job 22:22 - Tayta Diosninchi Isquirbichishan

²² Pay yachachishushayquita sumaj wiyacuy. Llapan nishushayquita yarpayniquiman sumaj churacuy.

Job 22:22 ပူးပေါင်းရင်းမြစ်များ

2 Crónicas 33:13

Mañacuptin Tayta Dios yanapar camacächiran Jerusalenman cutiycur yapay ray cananpaj. Chayrämi Manasesga tantiyacuran Janajcho caycaj Tayta Dios japallan Dios cashanta.

Job 23:12

Paypa laynincunallatami, rimashancunallatami cumlishcä. Manami quiquë munashallätachu rurashcä.

Job 6:10

Fiyupa nanaywan wañurpis cushicömanmi imaypis Tayta Diospa laynincunata cumlej cashpä.

Salmos 119:11

Gam aunimashayquitaga llapan shongöpa yarparaycä juchata mana ruranäpaj.

Proverbios 4:21

Tantiyachishäcunata ruraytaga ama gongaychu. Llapanta sumaj umayquiman churacuy.

Proverbios 4:4

Papänëmi yachachimar willapämar cayno nimaj: «Llapan willapashäcunata umayquiman sumaj churacuy. Willapashäcunano rurarga allimi goyanquipaj.

Jeremías 15:16

Palabrayquita nogaga micucurcurämi. Chay palabrayqui nogapäga allimi caran; cushicachimajmi. Munayniyoj Tayta Dios, nogaga gamllapanami caycä.

Ezequiel 3:10

Mastapis cayno nimaran: «Runa, noga nishätaga sumaj wiyacushpayqui umayquiman churacuy.

Mateo 12:35

Allita yarparga allillatami parlan. Shonguncho mana allita yarparmi ichanga mana allita parlan.

Mateo 13:52

Chaymi Jesús niran: «Tayta Diospa maquincho cawananpaj yachachishäcunata tantiyarga waquin runacunata gamcunapis yachachinqui. Chayno yachacherga juc runa unay guepirächishan bälej cösacunata, chayraj churashan bälej cösacunata jorgamojnömi gamcunapis yachachinquipaj.»

Lucas 2:19

Marianami imano cashantapis shongullancho yarparaycaran.

Lucas 2:51

Chaypitaga Jesusta pushacurcur Nazaretman cuticuran. Chaychöga maman-taytan mandashancunata rurashpan tiyaran. Imano cashantapis mamanga shongullancho yarparaj.