Job 22:11 - Tayta Diosninchi Isquirbichishan

¹¹ Gampäga llapanpis chacajlla captinmi imatapis mana ricanquichu. Aypalla yacu shamur ñitejnömi gueshyaga ñitiycäshunqui.

Job 22:11 ပူးပေါင်းရင်းမြစ်များ

Job 11:16

Imano ñacashayquitapis gongaycunquipänami. Yacu päsacushannömi llapan yarpachacushayquipis cangapaj.

Job 18:18

Cay pachapitaga jitarenga. Achicyajcho caycajtapis chacajmanmi gaycurenga.

Job 18:6

Achqui tübun upicäconga. Wasinchöpis chacajllanami canga.

Job 19:8

Diosmi nänita chapacurcusha noga maypapis mana llojshinäpaj. Purinä nänita ticrarachisha yanauyaycaj chacayman.

Job 24:18

«Chay fiyu runacunaga yacu cörrejnömi illgacäcun. Chacrancunapis maldisyunädumi ricacun. Übas chacrancunachöpis pipis mananami arunnachu.

Job 38:34

¿Pucutaycunata mandanquimanchu gamman tamyachimunanpaj?

Job 5:14

Paycunaga yanauyaycaj chacaycho chacäpacusha caycajnöpis junaj pachapami yatayllapa purircaycan.

Salmos 42:7

Chay yacucunapaj yarpaptëpis bötircur-bötircur aywaycaj yacu janäpa päsajnömi llaquicuyga charicarcamasha. Pajcharcur-pajcharcur yacu bunyaylla urajnömi llaquicuyga ñiticarcamasha.

Proverbios 4:19

Juchasapacuna mana alli goyashanmi ichanga caycan fiyupa manchacuypaj yanauyaycaj chacayno. Chay runacunaga manami musyanchu imaman tacacushantapis.

Isaías 8:22

Cay pachacho imata ashirpis manami imatapis tarengapächu ni ricangapächu. Cay pachachöga caycangapaj llaquicuyllami. Llaquicuyllawanmi pachapis chacacäconga. Chay runacunataga chacajmanmi jitarponga.

Lamentaciones 3:2

Paymi yanauyaycajman pushamaran. Achqui mana cashancho purichir ñacachimaran.

Lamentaciones 3:54

Chaura yacuga ushajpämi ultacarcamaran. Chaymi yarparä «wañushänachari» nir.

Jonás 2:3

Lamarmanga mas jundunninmanmi garpumashcanqui. Intëröpa yacullatami ricaycashcä. Yacuga ruyrucarcur-ruyrucarcur janäpa päsasha.

Mateo 8:12

Rimëru gayachishancunami ichanga Tayta Diospa willacuyninta yacharpis mana yäracamashanpita chacaj pachaman jitarisha cangapaj. Chaychömi fiyupa wagar quiruntapis uchongapaj.»