Job 20:6 - Tayta Diosninchi Isquirbichishan

⁶ Chay runa syëlucama aypajno captinpis, pucutaycama chayashano captinpis

Job 20:6 ပူးပေါင်းရင်းမြစ်များ

Génesis 11:4

Chaypita llapan parlacur ninacuran: «Jatun marcata rurashun. Chaychöna juc törrita rurashun syëlucama chayajta. Chaynöpami rejsisha cashun. Chaura cay pachachöga noganchi manami intëruman mashtacäshunnachu.»

Jeremías 51:53

Babilonia runacuna syëlucama wichaptinpis chapacuna pergacunata altuta pergacurcuptinpis Nogaga contrancunata cachashämi yaycuycur ushajpaj illgächinanpaj. Noga Tayta Diosmi chayno në.

Daniel 4:11

Chay yöraga wiñashpan fiyupa racuyasha. Puntanga syëlumanna chayaycasha. Cay pachapitaga intërupitami ricacaycashapis.

Daniel 4:22

yörata ricashayquega gammi caycanqui. Gamga chayashcanqui may-may jatuncarayta mandaj caymanmi. Fiyupa munayniyojmi ricacushcanqui. Gampa ima-aycayqui cajpis aypanman janaj syëlucamami. Chayno cay pachachöga gamllami mandaycanquipis.

Amós 9:2

Allpa rurinman may ruriman pacacuptinpis, chaypitapis jorgamushämi. Syëlu may altucho caycajman wichaptinpis, chaypitapis urächimushämi.

Mateo 11:23

Capernaúm runacuna, ¿gamcunaga Tayta Diospa ñaupanman chayanayquipaj cashantachu yarpaycanqui? Chaypa ruquenga chacaj pachamanmi Tayta Dios gaycurishunquipaj. Gamcunacho rurashä milagrucunata Sodomacho ruraptëga runacuna juchancunata cachariptin canancamami chay siudä caycanman caran.