Job 20:18 - Tayta Diosninchi Isquirbichishan

¹⁸ Ima-aycata gänashantapis llapantami cutichipaconga. Chaycunata manami imatapis rurangachu ni rubichangapischu.

Job 20:18 ပူးပေါင်းရင်းမြစ်များ

Job 20:10

Wamrancunami wacchata pobricunata cutichipaconga. Paycunami papänincuna pobrita ima-aycanta suwapashantapis cutichenga.

Job 20:15

Chayrämi pipa ima-aycanta ushashantapis rimarenga. Paycunapa pachanpita Tayta Diosmi gumitachimonga.

Job 20:5

Mana alli runacunapaga cushicushanpis rätullapämi. Fiyucunapis rätullami cushicun.

Job 27:17

alli runami chay röpancunata jaticonga. Chay guellay shuntashantapis limyu runami rubichanga.

Job 31:25

Manami cushicushcächu ima-aycäpis aypalla captin ni aypalla guellay captinpis.

Job 31:29

«Chiquimajnëcuna mana alliman chayaptin manami cushipashcächu. Chayno manami cushipashcächu disigrasya chayaptinpis.

Job 31:8

murushäcunatapis juccunana micuchun. Lantashätapis sapipita achurichun.

Proverbios 1:12

Alli runacunataga illajpita illgarachishun, gueshya charir imanömi illajpita wañurachin, chayno.

Proverbios 21:20

Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Jeremías 22:13

«¡Ay imanöraj canqui fiyu cayniquiwan mana allita rurashpayqui janay-janay jatun wasicunata, palasyucunata aruchej Joacim! ¡Gamga runacunatapis aruchinqui dibaldillami!

Jeremías 22:17

Gam ichanga yarpachacuycanqui mana allita ruraypa imatapis charayllata. Juchaynaj runacunata wañuchinqui. Marca-masiquicunatapis amatar ñacachinqui; ima-aycantapis guechunqui.»

Jeremías 51:34

Jerusalenga nin: «Babiloniapa raynin Nabucodonosorga rachir-usharcur micucarcamasha. Micuyniynaj lätutanömi cachaycamasha. Ultacarcamasha lamarcho tiyaj manchariypaj jatuncaray waräcuynömi. Nogacho cajta payga sacsasha munashan cajllatami, waquintana jitarisha.

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Lamentaciones 2:16

Llapan chiquishojcunami washayquita parlan. Wichyacachashpan, jamurpäshushpayqui cayno nin: «Ushajpämi illgächishcanchi. Chayno canantami munaranchïpis. Cananga ¿manachu ricanchi?» nir.

Ezequiel 7:12

Örapis, junajpis chayamushanami. Ranticojpis ni rantejpis ama cushicuchunnachu. Fiyupa rabyashpämi castigashaj Israelcuna alli-tucushanpita.

Oseas 9:1

Israel runacuna, mañösa warmi runanta cachaycojnömi gamcunapis Tayta Diosta cachaycushcanqui. Päguta chasquinanpaj warmi runawan puñushan pengaypaj cashannömi gamcunapis cosëchayqui alli cananta munar juc diosman yäracushayqui pengaypaj caycan. Chayno caycarga cosëchata shuntashayquipita ama cushicuychu. Waquin nasyun runacunanöga cushicuypita ama pinticachaychu.

Amós 8:4

Imano cashayquitapis wiyay-llapa. Gamcunaga umildicunatami ñacaycächinqui. Nasyunniquicho pobri caycajcunatami engañaycanqui.

Mateo 23:13

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga yachachishayquiwanmi Tayta Diospa maquincho cawaj yaycuyta munajcunata puncuta wichgapajno carcaycanqui. Ichanga quiquiquicunapis manami yaycunquichu.

Mateo 23:24

Gaprano caycar pushaycajcuna, tacsha chuspi-mallwata jorgunayquipaj ima yacutapis shuyshuycanquiraj. Ichanga mana ricapaypami jatuncaray camëlluta ultacarcärinqui.

Deuteronomio 28:30

Majachacänayquipaj parlashayquiwanpis jucmi puñucuyconga. Tiyanayquipaj wasita rurashayquichöpis manami tiyanquipächu. Übasta lantashpayquipis wayuyninta manami micunquipächu.

Deuteronomio 28:33

Mana rejsishayqui jäpa runacuna shamur chacrayquicuna wayushanta apacuptin yangallami arushayquipis canga. Waran-waran mana cuyapaypa aruchishuptiqui pasaypami ñacanquipaj.