11 Timpullanchöraj caycar wañonga.
Castigamaptiquimi llaquicur wagar goyaycä. Mösu car jucha rurashäcunapita ñacaycächimanqui.
Manami. Yarpashäcunawanga iwalmi pampacushaj. Allpaman ticrar iwalmi ushacäshaj.»
Pasaypa tullullannami ricacushcäpis. Cayno ñacaycarpis cawaycärämi.
Waquin runacunaga wañucun timpuncho caycällar, imapäpis mana yarpachacuyllapa goyaycashallancho,
alli caycashallancho, mana gueshyayllapa.
Imano captinpis pantiyunchöga llapanpäpis iwal-llami. Jucninta-jucnintapis curucunallami ushacurcun.
Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.
Fiyu runataga quiquin rurashallanmi mana alliman chayachin. Alli runatami ichanga allita rurashanpita Tayta Dios chapanga.
«Jerusalén, nogaga chaynömi mana pengacuypa pï-maywanpis cacur ganracushayquipita limyuyächiyta munashcä. Chayno ruraptëpis manami limyuyashcanquichu. Limyuyanquipäga rabyasha caycashäta gamcho pascacächiptërämi.
Paycunaga manami unay jinyu pillyajcuna pamparashanchöchu pamparaycan. Jinyu pillyajcunaga armantinmi pampacuranpis. Jawananmanmi churaparan sablincunata. Chapacuna escüduncunatapis jananmanmi churaparan. Paycuna cawashan wichanga jinyu cashpanmi runacunata mancharachej.
Jesús yapay niran: «Nogaga aywacömi. Gamcunaga ashimanquipämi. Gamcunaga juchallayquichömi wañunquipaj. Chaymi noga aywashämanga gamcuna mana chayanquipächu.»
Chaymi nishcä ‹Gamcunaga juchallayquichömi wañunquipaj› nir. Noga pï cashämanpis mana riguerga juchallayquichömi wañunquipaj.»
Chay acrashayqui runaga Judaspa ruquinmi canga. Judasga juchata rurarmi apóstol caycashanta cachaycusha. Chaypitami munashanta tarisha.»
