Job 16:4 - Tayta Diosninchi Isquirbichishan

⁴ Gamcuna nogano ñacaycaptiquega nogapis gamcunanömi nëman. Asipashpä umätapis jajtachëmanrämi. Nircur tucuy-niraj parlarmi nëman.

Job 16:4 ပူးပေါင်းရင်းမြစ်များ

2 Reyes 19:21

«Noga Tayta Diosga Asiriapa rayninpaj caynömi në: «Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awin.

Job 11:2

«Manacajcunata rimaycajtaga ¿pillapis manachuraj upällachinman? ¿Shimisapa cayniquiwanchuraj rimaycashayquita bälichinqui?

Job 16:5

Nogaga gamcunata alli shimëpami parlapäman. Shacyachëman. Masta balurta göman.

Job 35:16

Job, gamga niycanqui manacajcunatami. Mana tantiyacurmi wichaypa uraypa rimaycanqui.»

Job 6:14

«Ñacaycaj amïgunchïtaga cuyapanchïmi, Tayta Dios nishancunata mana cumliptinpis.

Salmos 109:25

Runacuna asipänanmi cä. Ricäramar asipämashpan umantapis jajtachinraj.

Salmos 22:7

Ricamajcunaga asipämar manacajman churaman. Umantapis jajtachirmi nin:

Salmos 22:8

«Payga Tayta Diosllamanmi yäracoj. Rasunpa cuyashpanga mä Tayta Dios shamuchun ari salbananpaj» nir.

Salmos 44:14

Mana rispitashojcuna asipämänanpämi camacächishcanqui. Nogacunataga umantapis jajtachir-rämi ricapäman.

Proverbios 10:19

Achcata rimajcunaga llutantapis rimanmi. Yachajcunami ichanga alli cajcunallata rimarcur upällacun.

Eclesiastés 10:14

Chay runacunaga mana ushaypami parlan. Shamoj watacunacho imapis päsananpaj cajta pipis mana musyaycaptenga ¿piraj ninman imapis päsananpaj cajta?

Isaías 37:22

« ‹Noga Tayta Diosga Asiriapa rayninpaj caynömi në: « ‹Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awicun.

Jeremías 18:16

Chayno cashanpitami nasyunnintapis chunyajna cananpaj camacächisha. Fiyupa manchariypaj ragällanna caycan. Llapanpis chaypa päsajcunaga almirashami umanta awiconga.

Jeremías 48:27

Moab runacuna, gamcunaga Israelcunata asipajmi canqui. Asipashpayquimi suwatanöpis manacajman churaj canqui.

Lamentaciones 2:15

Näninpa päsajcunaga cushipäshushpayqui maquintapis macshunraj. Manacajman churashushpayqui umantapis awinraj. Jerusalén, gampäga caynömi nin: «¿Tagaychi caycan ‹intëru munducho caj siudäcunapita mas cuyayllapaj› nishan siudä?» nir.

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

Mateo 7:12

«Alli ricashunayquita munashayquino gamcunapis runa-masiquita alli ricay. Alli ricanacur cawanapämi Moisés isquirbishan laychöpis, profëtacuna isquirbishanchöpis niycan.

Romanos 12:15

Cushicojcunawan cushicuy. Wagajcunawan wagay.

1 Corintios 12:26

Juc parti cuerpunchi nanaptenga intërunchïmi mana alli ricacun. Cuerpunchïcho maygan partitapis alli ricashaga chay partiwan llapan partimi cushicun.