Job 15:16 - Tayta Diosninchi Isquirbichishan

¹⁶ Chayno caycaptenga runaga piyur-rächari, mana alli melanaypaj caycarga, yacunaycajnöraj jucha rurayta ashiycarga.

Job 15:16 ပူးပေါင်းရင်းမြစ်များ

Job 15:17

«Masqui sumaj wiyamay. Noga nishayqui cawashä watacunacho imano yachacushätapis,

Job 20:12

«Mana allita rurashancuna shimicho mishqui caycaj-japuy captinpis, gallun ruricho caycaj-japuy captinpis,

Job 34:7

«¡Jobnöga manami pipis canchu! Payga yacuta upojnöllami Tayta Diosta manacajman churarin.

Job 4:19

¡masrächari runataga «juchayoj» nenga! Runaga caycan manacajllami, ñuchu allpa janancho mitupita wasita jatarachishanöllami. Puyuno llapiriyllapämi caycanpis.

Job 42:6

Chaypitami cananga fiyupa pengacö. Chaymi arpinticö allpacho, uchpacho jamacushpä.»

Salmos 53:3

Nishanga llapanpis mana allillatanami rurarcaycan. Llapanpis llutan cajllatanami rurarcaycan. ¡Pipis mananami cannachu allita ruräga! ¡Allita ruräga ni jucnayllapis manami cannachu!

Proverbios 19:28

Alman ranticojcunaga juezpitapis asicunmi. Fiyu runacunaga shimin tarishantami riman.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.