Job 15:14 - Tayta Diosninchi Isquirbichishan

¹⁴ «¿Runaga ‹limyumi cä› ninmanchuraj? ¿Runaga juchaynaj canmanchuraj?

Job 15:14 ပူးပေါင်းရင်းမြစ်များ

1 Reyes 8:46

«Cay pachachöga pipis manami canchu juchata mana ruräga. Juchata ruraptenga rabyacurcur chiquinacushanpa munayninmanchari cachaycunqui chay runacunana nasyunninman apacunanpaj.

2 Crónicas 6:36

«Cay pachachöga pipis manami canchu juchata mana ruräga. Juchata ruraptin, rabyacurcur chiquinacushanpa munayninmanchari cachaycunqui. Chay runacunana nasyunninman apaconga caruman sercaman carpis.

Job 14:1

«Runaga wallca watallami cawan. Fiyupa ñacallarmi goyan.

Job 14:4

¿Piraj ganra caycajta limyuyächinman? ¡Pipis manami puydinchu!

Job 15:13

¿Imanirtaj Tayta Diospaj rabyaycanqui? ¿Imanirtaj shimiqui tarishanta rimanqui?

Job 9:2

«Nogapis musyaycämi rasunpa chayno cashantaga. Diospa ñaupancho manami pï runapis ‹juchaynaj cä› ninmanchu.

Salmos 14:2

Tayta Diosga syëlupita-pachami ricaraycämun pillapis tantiyaj caycashanta ricananpaj, pillapis payman yäracuycashantaraj musyananpaj.

Salmos 14:3

Nishanga llapanpis mana allillatanami rurarcaycan. Llapanpis llutan cajllatanami rurarcaycan. ¡Pipis mananami cannachu allita ruräga! ¡Allita ruräga ni jucnayllapis manami cannachu!

Salmos 143:2

Gampa ñaupayquichöga manami pipis juchaynäga canchu. Chayno captin nogataga ama jusgaycamaychu ari.

Salmos 51:5

Mamäpa pachancho cashäpita-pachami juchasapa caycä. Yurishäpita-pachapis juchasapallami caycä.

Proverbios 20:9

Pipis ama ninmanchu: «Nogaga allita rurallarmi cawä. Manami juchataga imaypis rurashcächu» nir.

Eclesiastés 7:20

Imano captinpis cay pachachöga manami pipis canchu allillata ruraj, juchata mana imaypis ruräga.

Eclesiastés 7:29

Caytami tarishcä: Runata Diosga rurasha allitami. Runaga quiquinnami llutanta rurashpan mana alliman chayasha.

Juan 3:6

Runapita yurej cäga runallami. Espíritu Santupa munayninwan yurej cajmi ichanga espiritulla car Tayta Dios munashanno cawan.

Romanos 7:18

Musyämi jucha rurayllapaj yarparaycashäta. Alli cajcunata rurayta munarpis manami camäpacöchu.

Gálatas 3:22

Tayta Diospa palabranga tantiyachimanchi juchallanchïcho cawar maldisyunädu cashanchïtami. Chaynöpami Tayta Diosninchi salbamänanchïpäga Jesucristumanraj yäracunanchi.