Job 12:7 - Tayta Diosninchi Isquirbichishan

⁷ «Mä tapucuy jirca animalcunatawan äbicunata. Paycunami willashunquipaj chaycunata pï rurashantapis.

Job 12:7 ပူးပေါင်းရင်းမြစ်များ

Génesis 1:21

Chayno imapis mana cashanpitami camaran jatun animalcunata lamarcho tiyajta, yacucho tiyaj cajta llapan castata, äbicunatapis llapan castata. Chaycunata rurarcur Tayta Dios ricaran chayno alli caycashanta.

Génesis 1:25

Dios ricaran llapan rurashan animalcuna alli cashanta.

Job 12:6

Suwacunami ichanga cushisha goyan. Tayta Diosta rabyachejcunapis jaucami goyan. Paycunaga Tayta Diospa munaynincho caycashanta yarpashpanmi mana yarpachacuypa cawan.

Job 12:8

Cay pachatawan lamarcho caycaj pescäducunatapis tapucuy. Paycunami willashunquipaj chaycunata pï rurashantapis.

Job 8:10

Unay cajcunami ichanga willapäshunquiman. Ima-aycatapis yachachishunquiman.

Proverbios 30:24

Cay munduchöga chuscu casta tacsha animalcunami yachajcunapitapis mas yarpaysapa caycan:

Proverbios 6:6

Ticsacuna imano rurashallantapis ricacuy guella runacuna. Ticsacuna imano rurashallantapis ricaycur yachacuy.

Isaías 1:3

Yuntaga duyñunta rejsinmi. Bürrupis rejsinmi duyñun mayman garanantapis. Israelcunami ichanga acrashä caycarpis mana rejsimanchu ni tantiyacunpischu.»

Jeremías 8:7

Äbicunapis musyanmi imay wichan yapay cutimunanpaj cashanta, imay wichan juc-läman witinan cashantapis. Gamcunami ichanga laynëcuna imano niycashantapis mana musyanquichu.

Romanos 1:20

Llapan camashancunata ricarmi musyanchi Tayta Diosninchi llapanpaj munayniyoj cashanta. Chaytaga unay caj runacunapis musyaranmi. Chaymi fisyu junaj chayamuptin pipis mana chapacongachu «Noga manami musyashcächu Tayta Dios llapanpaj munayniyoj cashanta» nishpan.