Job 12:6 - Tayta Diosninchi Isquirbichishan

⁶ Suwacunami ichanga cushisha goyan. Tayta Diosta rabyachejcunapis jaucami goyan. Paycunaga Tayta Diospa munaynincho caycashanta yarpashpanmi mana yarpachacuypa cawan.

Job 12:6 ပူးပေါင်းရင်းမြစ်များ

Job 12:5

Chaynömi alli goyaycajcunaga ñacaycajta manacajman churan. Alliraj caycajtapis cutiparachinmi.

Job 12:7

«Mä tapucuy jirca animalcunatawan äbicunata. Paycunami willashunquipaj chaycunata pï rurashantapis.

Job 15:13

¿Imanirtaj Tayta Diospaj rabyaycanqui? ¿Imanirtaj shimiqui tarishanta rimanqui?

Job 22:18

Chauraga ¿Tayta Dioschuraj camacächiran chay runacuna rïcuyänanpaj? ¡Chayno cashantaga manami imanöpapis tantiyayta atipächu!

Job 24:23

Shongun yarpashanno runa goyäcunanpämi Tayta Diosga camacächin. Chaypis ricapaycanmi imata rurashallantapis.

Job 9:24

Cay pachatana cachaycun fiyucunapa munayninman. Juezcunapa ñawincunatana chaparcun. Chaycunata Dios mana ruraptenga chauraga ¿pitaj ruran?

Salmos 17:14

Munayniquiwan chapaycamay ari. Chay runacunapaga cay pachacho cajcunallami canga. Paycunata cay pachapita illgaycachiy. Jina paycunaga rïcuyarpis rïcuyäcuchun ari. Wamrancunapis sacsashancama micunanpaj cachun. Willcancunapäpis puchuy-puchuy cachun.

Salmos 37:1

Fiyu runacuna-jananga ama rabyacuychu. Fiyu runacuna charashantapis ama munapaychu.

Salmos 37:35

Fiyucunataga ricashcä rabyar fiyupa alli-tucojtami. Rämasapa jacha tunir may-maypa chayashannömi chayasha.

Salmos 73:3

Nogaga fiyupami charayta munaparä alli-tucojcuna charashanta. Fiyu runacuna alliman chayaptin pasaypami chiquiparä.

Salmos 92:7

Fiyucuna guewano mirashpanpis, llapan mana allita rurashancuna alli llojshipaptinpis paycunaga carcaycan para-simri illgänallanpämi.

Jeremías 12:1

Tayta Dios, gamga llapantami musyanqui. Rasun cajtami rimanqui. Chayno captinpis tapucushayqui. ¿Imanirtaj fiyu runacunapäga yarpashanpis alli llojshipan? ¿Imanirtaj llullacuypa mana allita ruraj runacunaga alli goyan?

Jeremías 5:27

Imanömi jaulaman pichiusacunata juntachin, chaynömi ima-aycatapis suwacushallanta wasincunamanpis juntachisha. Chayno ruraycällarmi rïcuyashpan munayniyojyasha.

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Habacuc 1:11

Chay runacunaga löcu wayranömi purin. Paycunaga callpallanmanmi yäracun. Paycunapäga Dios manami cajnöchu.»