Job 12:14 - Tayta Diosninchi Isquirbichishan

¹⁴ Dios juchuchishan cajtaga manami pipis yapay allchannachu. Pitapis Dios wichgaycushan cajtaga manami pipis jorgunnachu.

Job 12:14 ပူးပေါင်းရင်းမြစ်များ

Génesis 7:16

Cada casta animalcunatami yaycachiran chinan-orgunta. Llapantapis yaycuchiran Tayta Dios nishannölla. Büqui rurichöna llapan carcaycaptin puncutaga Tayta Dios wichgaran.

Job 11:10

Tayta Dios shamur, prësu aparcur jusgaptin ¿pillaga payta michanmanchuraj?

Job 16:11

Diosmi cachaycamasha fiyu runacunapawan wañuchicojcunapa maquinman.

Job 19:10

Nircur pasaypa mana allichömi cachaycamasha. ¡Jachata achurej-japuymi usharamasha!

Job 37:7

Chaynöpami camacächin runacuna wasinpita mana llojshinanpaj. Llapan runata tantiyachin paylla llapanta camacaycächishanta.

Eclesiastés 7:13

Sumaj yarpachacuy Tayta Dios imano rurashanpäpis. Pay wicsuchishantaga ¿piraj dirichanman?

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Isaías 22:22

Paytanami entregashaj Davidpa wasinpa lläbinta. Paynami munayniyoj canga. Pay quichashantaga manami pipis wichgangachu. Ni wichgashantapis manami pipis quichangachu.

Isaías 25:2

Siudätapis gotuy-gotuy juchusha cananpämi ticrarachishcanqui. Pacacuna curalasha siudätapis ushajpämi juchurgärachishcanqui. Jäpa runacunapa palasyuncunatapis juchuchirmi illgarachishcanqui. Chay siudätaga manami imaypis allchachenganachu.

Jeremías 51:58

Munayniyoj Tayta Diosmi nin: «Babilonia siudäpa intëru cantunpa anchu pergan caycajtapis ushajpämi juchurachenga. Jatun puncuncunatapis llapantami ruparachenga. Llapan nasyun runacuna arur ñacashanpis yangallami canga. Chay-jina uticar arushantapis ninami rupar ushacurconga.»

Jeremías 51:64

Jitarpur ninqui: ‹Cay jitarpushä röllu tallpucajnömi Babiloniapis illganga. Nircur Tayta Dios castigananpaj caycashanpitaga manami yapay imaypis cashanmanno cutenganachu› nir.» Caycamallami caycan Jeremías rimashancunaga.

Ezequiel 26:14

Allpaynaj gagamanmi ticrarachishayquipaj. Redata mashtar chaquichicunallapänami ticrarachishayquipaj. Yapayga imaypis mananami jatarachishunquipänachu. Noga Tayta Diosmi chayno cananpaj nishcä. Noga Tayta Diosmi chayno në.

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

Romanos 11:32

Tayta Diosga Israel runacunatapis mana Israel runacunatapis mana wiyacojtanömi rican. Chaynöpami llapan runacunatana iwal cuyapan.

Apocalipsis 3:7

«Filadelfia marcacho caycaj ermänucunata ricaj anjilpaj cay nishäcunata isquirbiy: Nogaga juchaynajmi cä. Nishäcunata cumlëmi. Nogaga ray Davidpa lläbintami chararaycä. Nogami salbasha cajcunata syëlu puncuta quichapä. Chay puncu wichgashanta pipis quichananta manami dëjächu.

1 Samuel 17:46

Cananmi Tayta Dios gamta binsinäpaj camacächenga. Canan örami wañurachishayqui. Nircur umayquitapis rogushaj. Llapan Filistea suldärucunami wañonga. Aychantami garashaj äbicunata, jirca animalcunata. Chaynöpami llapan runa musyanga Israelcunata Tayta Dios yanapashanta.

1 Samuel 24:18

Cananmi ichanga fïju musyachimashcanqui nogata alli ricamashayquita. Ñaupayquiman Tayta Dios chayachimasha caycaptinpis manami wañuchimashcanquichu.

1 Samuel 26:8

Chaura Abisaiga Davidta niran: «Cananga chiquishojniquita Tayta Diosmi maquiquiman churaycusha. Noga wañurachishaj. Pampaman tucsirishaj quiquinpa lansallanwan. Juc maquillapämi.»