Job 11:8 - Tayta Diosninchi Isquirbichishan

⁸ Chaycunaga syëlupitapis mas janajchömi. Chayno caycaptenga ¿imatataj ruranquiman? Pachapa rurinpitapis mas rurichömi. Chayno caycaptenga ¿imatataj musyanquiman?

Job 11:8 ပူးပေါင်းရင်းမြစ်များ

2 Crónicas 6:18

«Ichanga ¿rasunpachuraj Tayta Dios tiyanquiman cay pachacho? Janaj syëlupis may-may jatun caycar manami gampäga aypanchu. Chaura imanöparaj aypaycunman noga aruchipashä Temploga.

Job 11:9

Tayta Diospa yarpaynenga cay pachapitapis mas jatunmi, lamarpitapis mas anchumi.

Job 22:12

«Syëluchöga llapanpita mas altuchömi Tayta Dios caycan. Mas janajcho caj goyllarcunapis chaquin ur'gallanchömi caycan.

Job 26:6

Wañojcuna caycashan wanwanyaycaj pachaga Tayta Dios ricananpita manami imatapis pacanchu.

Job 35:5

Masqui syëluta ricäriy. Pucutayta ricärirpis masqui tantiyacuy ari. Chay pucutayga gampita may altuchöshi caycan.

Job 37:23

Munayniyoj Tayta Dios rurashanta manami tantiyanchïchu. Payga caycan fiyupa callpayoj, alli arregluta rurajmi. Payga llapanta cumlej, pitapis mana ñacachejmi.

Job 38:17

¿Tarishcanquichu wañojcuna chayashan pachata? ¿Ricashcanquichu wañuyman chayana manchacuypaj puncu maycho caycashantapis?

Job 7:9

Imanömi pucutay jogaricar illgacäcun, chaynömi caycan wañur pampacöga. Sepultürapitaga manami imaypis jatarimonganachu.

Salmos 103:11

Payta rispitajcunataga fiyupami cuyan. Syëlu may-may altu cashannömi pay cuyapäcoj cashanga.

Salmos 148:13

Tayta Diosta llapayqui alabay-llapa. Payllami llapanpita mas rispitashaga caycan. Payllami cay pachacho cajcunapitapis syëlucho cajcunapitapis mas munayniyoj caycan.

Salmos 36:6

Alli arriglaj cashayquega altunnin puntacunanömi. Imano cananpaj nishayquipis jatun lamarno rurimi. Tayta Dios, gammi ricaycanqui runacunata, animalcunatapis.

Proverbios 30:4

¿Pitaj syëluman wichasha? ¿Syëlupita caymanpis pitaj urämusha? ¿Piraj llapan wayrata aptaranman? ¿Piraj lamar yacuta jacunwan guepinman? ¿Piraj camacächiran cay pachapa lindancunata? Llapan chaycunataga pipis rurashami canga. Quiquinta rejsir jutinta yachashpayquega mä willamay. Wamranpa jutintapis mä willamay.

Isaías 55:9

Imanömi syëlupis caycan allpapita mas janajcho, chaynömi yarpashäcunapis, ima rurashäcunapis gamcunapäga tantiyayta mana atipaypaj caycan.

Amós 9:2

Allpa rurinman may ruriman pacacuptinpis, chaypitapis jorgamushämi. Syëlu may altucho caycajman wichaptinpis, chaypitapis urächimushämi.