Job 11:16 - Tayta Diosninchi Isquirbichishan

¹⁶ Imano ñacashayquitapis gongaycunquipänami. Yacu päsacushannömi llapan yarpachacushayquipis cangapaj.

Job 11:16 ပူးပေါင်းရင်းမြစ်များ

Génesis 41:51

«Diosmi yanapämasha llapan castäcunata imano ñacashätapis mana yarparaycänäpaj» nirmi Josëga rimir caj wamranpa jutinta churaparan Manasés nir.

Génesis 9:11

Chayno canan conträtuta rurashanchïpitaga mananami yapayga tamyawan illgächishäpänachu allpata, runata ni animaltapis.

Job 22:11

Gampäga llapanpis chacajlla captinmi imatapis mana ricanquichu. Aypalla yacu shamur ñitejnömi gueshyaga ñitiycäshunqui.

Job 6:15

Gamcunami ichanga amïgö caycarpis mana yanapämanquichu. Gamcunaga ragrapa yacu päsarejnömi caycanqui.

Proverbios 31:7

Llaquicuycashanta, pobrilla cashantapis gongaycunanpämi chay runacunaga upyan.

Eclesiastés 5:20

Tayta Dios cushishata goyaycächimashaga ama alläpa yarpachacushunchu imaycamalla cawananchïpaj cashantapis.

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Isaías 54:9

«Noé cashan wichanmi jurarä yapayga allpata imaypis yacuwan manana jundichinäpaj. Chaynömi gamtapis jurashpä në gampäga imaypis manana rabyanäpaj. Mananami castïgutapis munachishayquinachu.

Isaías 65:16

Pipis cay nasyuncho bindisyunta goj cäga nogapa jutëchömi bindisyunta gonga. Pipis cay nasyuncho rasunpa cajta jurashpan nogapa jutëchömi juranga. Chayno canga unay ñacashancuna gongacasha captinmi. Chaycunataga gongashcänami.

Juan 16:21

Musyanchïmi nanay chariptin warmicuna llaquicushanta. Wamran yuriptinnami ichanga cushicur mana yarpannachu nanaywan gueshyacushantapis.