Job 10:3 - Tayta Diosninchi Isquirbichishan

³ Nogataga quiquiquimi camamashcanqui. Chayno camaycämarga ¿imanirtaj ashiycanqui jucha rurashäcunata? ¿Imanirtaj camacächinqui fiyu runacuna mana alli ruramänantapis?

Job 10:3 ပူးပေါင်းရင်းမြစ်များ

Job 10:8

Quiquiquimi maquiquiwan ruramarayqui. ¡Cananga illgächimayta munaycanqui!

Job 14:15

Chaura gam gayamaptiqui nogaga wiyämanmi. Camamashayqui captëmi alli ñawillayquiwan ricäramanquiman.

Job 15:13

¿Imanirtaj Tayta Diospaj rabyaycanqui? ¿Imanirtaj shimiqui tarishanta rimanqui?

Job 16:11

Diosmi cachaycamasha fiyu runacunapawan wañuchicojcunapa maquinman.

Job 19:6

Gamcunaga musyanquiman: Tayta Diosmi togllanwan nogataga charimasha. Paymi camacächisha cayno canäpaj.

Job 21:16

Chayno nirpis fiyucunaga manami quiquillanpitachu rïcuyan. ¡Chayno cashantaga manami tantiyayta atipächu!

Job 22:18

Chauraga ¿Tayta Dioschuraj camacächiran chay runacuna rïcuyänanpaj? ¡Chayno cashantaga manami imanöpapis tantiyayta atipächu!

Job 27:2

«Alli arriglamayta mana munasha captinpis, fiyupa ñacachimasha captinpis Munayniyoj Tayta Diospa jutinchömi jurä:

Job 30:21

Nogataga fiyupami chiquicarcamashcanqui. Fiyupa rabyashami gaticachaycämanqui.

Job 31:15

Tayta Diosllami ruramashcanchi mamanchïpa pachancho. Payllami cawachisha uywaycunatapis, nogatapis.

Job 33:4

Chayno canäpämi munayniyoj Tayta Dios ruramasha. Nircur cawayta gomasha.

Job 40:2

«Munayniyoj Dios caycaptë gam jusgamayta munarcur ¿canan nishäcunatapis cutichimaytarächuraj yarpanqui?»

Job 40:8

Gamga ¿pantaycashätachu yarpaycanqui? ¿‹Juchaynajmi cä› nishpayquichu, nogataga ‹juchayoj canqui› niycämanqui?

Job 8:20

«Alli runataga Tayta Dios manami gonganchu. Fiyu runacunatapis manami yanapanchu.

Job 9:22

Tayta Diosga llapantapis iwalmi rican. Chaymi payga illgächin juchayojcunata, juchaynajcunatapis.

Job 9:24

Cay pachatana cachaycun fiyucunapa munayninman. Juezcunapa ñawincunatana chaparcun. Chaycunata Dios mana ruraptenga chauraga ¿pitaj ruran?

Salmos 100:3

Paylla Tayta Dios cashanta musyay-llapa. Paymi ruramashcanchi. Noganchïpis paypami canchi. ¡Pay acrashanmi canchi, tajta pampancho uyshancuna caycajnöpis!

Salmos 138:8

Tayta Dios gamga cumlinquipämi nogapaj yarpashayquita. Tayta Dios, cuyacoj cayniquega imay-yajpis chaynöllami. Chaymi camashayqui caycaptëga ama cachaycamaychu ari.

Salmos 69:33

Tayta Diosga wiyanmi pobricuna mañacushanta. Manami cachaycunchu prësu caycajcunataga.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

1 Pedro 4:19

Chaymi Tayta Diosninchi camacächiyninpa ñacajcunaga ama llaquicuychu. Paypa maquinman bïdayquita churaycuy. Nircur sïguir allillata rurar cawashun. Payga aunishancunata cumlinmi.