Jeremías 6:6 - Tayta Diosninchi Isquirbichishan

⁶ Munayniyoj Tayta Diosnami cayno nin: «¡Guerucunata muturir Jerusalenpa curralnin wajtancunaman ichichiy chaypa yaycunayquipaj! Chay siudächo caycaj runacunaga castigasha cananpämi caycan. Chaychöga llapanpis fiyu runacunallami carcaycan.

Jeremías 6:6 ပူးပေါင်းရင်းမြစ်များ

Isaías 37:33

«Asiria nasyunpa rayninpäga Tayta Dios caynömi nin: « ‹Jerusalenmanga manami yaycongapächu. Manami jucnayllatapis lëchanta jitangapächu. Manami pillyapaj escüduncuna aptasha yaycongapächu. Manami yaycunanpaj curral wajtancunaman allpatapis gotongapächu.

Jeremías 20:8

Imaypis nogaga willapä, «Fiyupa ñacaycunami canga. Llapanmi ushacanga» nillarmi. Gam willamashayquita willapaptëmi runacunaga tucuyta gayapäman, manacajman churaman.

Jeremías 22:17

Gam ichanga yarpachacuycanqui mana allita ruraypa imatapis charayllata. Juchaynaj runacunata wañuchinqui. Marca-masiquicunatapis amatar ñacachinqui; ima-aycantapis guechunqui.»

Jeremías 32:24

Canan Babilonia runacunaga cay siudäman yaycamunanpaj perga wajtancunapa wichäcunatana ruracarcärisha. Chauraga guërrawan, yargaywan, fiyu gueshyawanmi cay siudächo caycaj runacunaga llapan ricaconga yaycamojcunapa maquinchöna. Imano cananpäpis nishayquicuna cumliycannami.

Jeremías 32:31

Cay siudächo tiyayta gallarishanpita-pachami canancama pasaypa rabyachimasha. Chaypitami caycho tiyajcunataga ushajpaj usharishaj.

Jeremías 33:4

Babilonia runacunaga aywaycämunnami. Paycunaga Jerusalenmanmi magaj yaycamonga. Jerusalencho caycaj wasicunata, Judächo caycaj raycunapa wasincunata llapantami juchurachenga. Pillyar ichipänanpaj llojshej Israelcunaga llapanmi wañonga. Cällicunachöpis yänin mashtarpäconga. Fiyupa rabyasha cashpämi chayno wañuchichishaj. Chay siudätaga mananami ricaytapis munänachu, chaycho tiyajcuna tucuy mana allita rurashanpita.

Jeremías 39:1

Isgun wata chunca quillanna Sedequías Judäpa raynin caycaptin Babiloniapa raynin Nabucodonosorga llapan suldäruncunawan aywaran Jerusalenman yaycunanpaj. Chayaycur siudäta curalacaycäriran.

Jeremías 5:29

Chayno rurarcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman? Noga Tayta Diosmi chayno në.

Jeremías 5:9

Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Ezequiel 4:2

Nircur curalapaycachiy suldärucuna yaycuycajtano. Curral wajtanpana yaycunanpaj allpata gotunqui. Siudäman yaycunanpaj escalëracunatapis churay. Pergacunata tunichinanpaj mäquinacunatapis churay.

Ezequiel 5:5

Caynömi Tayta Dios nin: «Nogami camacächishcä Jerusalenga llapan marcacunapa, nasyuncunapa chaupincho cananpaj.

Daniel 11:15

Norte caj-lächo tiyaj ray aywaycur intëru cantunpa curalasha caycaj siudäman yaycunanpaj wichäcunata rurachengapaj. Nircurmi chay siudächo tiyananpaj yaycucaycärenga. Chaura sur caj raypa fiyupa pillyay yachaj suldäruncunapis aypalla yaycojta manami ichipangapächu.

Sofonías 3:1

¡Ay imanöraj canqui mana wiyacoj Jerusalén siudä! Gamcunaga fiyupa juchasapami carcaycanqui. Pï-maytapis ñacachiyllachömi aruycanqui.

Lucas 19:43

Chaypitami gamcunaman chayamonga ñacanayquipaj caycaj junajcuna. Contrayquicuna intërupa tumarej chapacuycushuptiqui manami maypapis gueshpinquipänachu.