Jeremías 6:13 - Tayta Diosninchi Isquirbichishan

¹³ «Rucupis wamrapis yarparcaycan mana allita ruraypa imatapis tariyllatami. Profëtacunapis cüracunapis engañacojllami.

Jeremías 6:13 ပူးပေါင်းရင်းမြစ်များ

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Jeremías 14:18

Jircacunapa aywar ricä guërrawan wañusha yänin jitarpaycajta. Siudäman yaycushpäna tarë yargaypita wañurcaycajta. Profëtacunapis cüracunapis imanir chayno päsashantapis tantiyayta mana atiparmi puricacharcaycan.› »

Jeremías 17:11

Engañayllapa rïcuyaj runaga caycan chacwa jucpa runtunta ogllajnömi. Mana yarpashapitami llapan riquësancuna cachayconga. Chaura ushanantaga pasaypa pobrimi ricaconga.

Jeremías 2:26

«Suwa taripacar pengacushannömi Israelcunapis raynincunapis mandajnincunapis cüracunapis profëtacunapis pengacongapaj.

Jeremías 2:29

¿Imanirtaj nogapa conträ parlarcaycanqui? Gamcunaga llapayquipis conträmi jatarishcanqui. Noga Tayta Diosmi chayno në.

Jeremías 2:8

Cüracunapis noga munashänöga manami rurashachu. Layta yachachejcunapis manami rejsimashachu. Mandajcunapis nogapa conträ ricacuran. Profëtacunapis Baalpaj willacusha. Chayno rurarmi imapäpis mana bälej ïdulucunallaman yäracusha.

Jeremías 22:17

Gam ichanga yarpachacuycanqui mana allita ruraypa imatapis charayllata. Juchaynaj runacunata wañuchinqui. Marca-masiquicunatapis amatar ñacachinqui; ima-aycantapis guechunqui.»

Jeremías 23:10

Cay nasyunchöga juchallatami rurarcaycan majayoj-masincunawan cacushpan. Mana allita rurananpäga bïbumi. Paycuna chayno cashanpitami cay nasyuntaga Tayta Dios maldisyunaycusha. Chauraga allpapis chaquicäcushami. Chunyajcho wiñamoj guewacunapis rupacäcushami.

Jeremías 23:11

Tayta Diosmi cayno nin: «Asta profëtacunawan cüracunapis manami manchacamanchu. Templöchöpis tarishcä mana allita rurarcaycajtami.

Jeremías 27:15

Chaycunapäga Tayta Dios nin: ‹Manami nogaga cachamushcächu. Paycunaga mana rasun cajtami jutëcho rimarcaycan. Chay profëtacuna nishushayquita wiyacuptiquega caypita mashtaypa mashtarmi gargushayquipaj. Gargushäman chayashayquichönami wañunquipaj gamcunapis llutanta willashoj profëtacunapis› nir.»

Jeremías 32:32

Chaynöga rurashaj llapan mana allita rurashpan rabyachimashanpitami. Rabyachimaran Israelcuna, Judäcuna, raynincuna, mandaj autoridänincuna, cürancuna, profëtancuna, Judächo tiyajcuna, Jerusalencho tiyajcunapis.

Jeremías 42:1

Careapa wamran Johanán, suldärucunapa llapan mandajnincuna, Osaiaspa wamran Azarías, llapan runacuna tacshapis jatunpis juntapaycuran

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Lamentaciones 4:13

Chaynöga llapanpis casha profëtacuna juchata rurashanpitami, cüracuna fiyupa mana allita rurashanpitami. Paycunaga jinan siudächömi alli runacunata wañuchishpan yawarninta mashtaran.

Ezequiel 22:12

Waquinnami päguta chasquin juc runacunata wañuchinanpaj. Waquinnami guellayta ristan achca wawantawan cutichinanpaj. Waquinnami suwapan. Waquinnami runa-masincunata ñacachin. Chayno rurar nogataga gongaycäramashcanquinami. Noga Tayta Diosmi chayno në.

Ezequiel 33:31

Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.

Miqueas 3:11

Autoridäcunapis runacuna pacayllapa pägashan cajta alli arriglan. Cüracunapis guellayllapämi yachaycächin. Profëtacunapis guellayllapämi willacuycan. Chayno ruraycarpis «Tayta Diosmi yanapaycäman» nir riguichin. «Tayta Diosga noganchïwanmi caycan. Ima mana allipis manami chayamäshunchu» nin.

Miqueas 3:5

Chayno caj profëtacunata Tayta Diosga nin: «Israelcunaga manami alli cajta ruranchu. Chaynöga caycan profëtacuna llullapaptinmi. Chay profëtacunaga pipis micuyta garaycoj cajta ‹allillami goyanquipaj› nin. Micuyta mana garaj cajtanami ichanga ‹Mana allimi goyanquipaj› nin.

Lucas 16:14

Chayno yachachishancunata wiyar fariseucunaga rïcuyayllapaj yarpashpanmi Jesusta asiparan.

1 Timoteo 3:3

Upyallacho, pillyallapaj ama canmanchu. Chaypa ruquenga cuyapäcunman. Allilla goyanman. Guellayllapäga ama imatapis ruranmanchu.

2 Pedro 2:1

Israel nasyunchöpis «profëtami cä» nir engañacojcunaga caranmi. Gamcunachöpis llutan yachachicojcunaga manami pishengachu. Paycunaga mana musyacayllapami mana alliman gaycushunayquipaj llutanta yachachishunquipaj. Salbajnin Tayta Jesucristutapis ñïgangami. Chaypitami paycunataga Diosninchi mana cuyapaypa usharenga.

2 Pedro 2:3

Guellay-raycullami alli-tupayllapa engañangapaj. Ichanga paycunata Tayta Dios castigananpaj unaypita-pachanami distinasha caycan. Paycunataga ñacay shuyaraycannami.