Jeremías 6:12 - Tayta Diosninchi Isquirbichishan

¹² Chacrancunapis, wasincunapis, warmincunapis jucpanami cangapaj. Cay nasyuncho tiyaj runacunataga nogami castigashaj. Noga Tayta Diosmi chayno në.

Jeremías 6:12 ပူးပေါင်းရင်းမြစ်များ

1 Crónicas 21:16

Janajpa ricchacurishancho David ricäriran Tayta Diospa anjilnin sablin aptasha caycämojta. Sablintana Jerusalenman togriraycaran. Chaura Davidwan rispitädu auquincuna gachga röpan jatisha gongurpacur umpuran urcunpis pampaman töpanancama.

Isaías 10:4

Ima ruraytapis mana camäpacur prësunami aywanquipaj; man'chäga wañojcunawan iwalmi wañunquipaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Isaías 5:25

Chaypitami Tayta Diosga acrashan runacunapaj fiyupa rabyacurcusha. Nircur castigasha. Puntacunapis chucchusharämi. Wañojcunanami cällicunacho jitaräcuran ganra jitarajno. Chayno castigarcurpis Tayta Diosga rabyashanpita manami allchacanrächu. Payga jinallarämi castigananpaj yarparaycan.

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Isaías 9:17

Chaypitami Tayta Diosga mösucunata mana cuyapashachu. Wacchacunata ni biyüdacunatapis mana cuyapashachu. Chayno mana cuyapashachu llapanpis mana yäracojlla, mana allita rurajcunalla cashanpita, llapanpis manacajcunallata parlashanpitami. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Isaías 9:21

Manasés runacunaga Efraín runacunata magarcaycan. Efraín runacunapis Manasés runacunata magarcaycan. Nircur ishcan aywan Judá runacunata magananpaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 21:5

Quiquëmi gamcunapaj fiyupa rabyasha cashpä contrayqui pillyashaj. Munayniyoj cashpämi gamcunata magashayqui.

Jeremías 38:22

Judäpa rayninpa palasyuncho quëdaj warmicunata ushajpämi jorgonga. Nircur chay warmicunataga Babiloniapa rayninpa mandaj suldäruncunatami goycongapaj. Chaura quiquin warmicunami cayno rimanga: « ‹Cuyanacushayqui amïguyquicunami llullapaycusha-cashunqui; binsisha-cashunqui. Amïguyquicunaga cachaycushurayquimi. Chaymi cananga cuyuycaj mituman jaticaycanqui› nir.»

Jeremías 38:23

Jeremiasga mastapis rayta niran: «Tayta ray, llapan warmiquicunatawan wamrayquicunatapis Babilonia runacunami apaconga. Gampis manami gueshpinquipächu. Apashunquipaj Babiloniapa rayninman. Siudätanami rupaycachengapaj.»

Jeremías 7:20

Chaymi fiyupa rabyasha caycashä päsananpaj caycho tiyarcaycaj runacunata castigaj-aywä. Castïgu chayanga llapan uywancunaman, llapan yöracunaman, llapan micuynincunamanpis. Chaynöpami rabyashäga cangapaj nina ratarir mana upejno.»

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Lamentaciones 2:8

Quiquin Tayta Diosmi camacächisha cuyayllapaj Sión siudäta curalaraycaj pergan juchuchisha cananpäpis. Paymi camacächisha imano illgächinanpäpis. Mana cuyapaypami ushajpaj illgächisha. Pergancunata paymi juchuchisha. Cananga muntuy-muntuyllanami goturpaycan.

Lamentaciones 3:3

Yaparir-yaparirmi imay örapis nogataga castigaycäman.

Lamentaciones 5:11

Sionchöpis, Judächo caj siudäcunachöpis, warmicunata, wamra jipashcunatapis charipacusha.

Lamentaciones 5:2

Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Lamentaciones 5:3

Taytaynaj wacchanönami ricacushcäcuna. Mamäcunapis biyüdanönami ricacusha.

Ezequiel 35:3

Cayno ninqui: ‹Tayta Dios caynömi nin: « ‹Seir jirca, nogami gampa contrayqui ricacö. Gamtami castigaj-aywä. Chauraga chunyajllana muntuy-muntuyllana quëdanquipaj.

Ezequiel 7:24

Nogami camacächishaj fiyu runacuna chayaycamur siudächo tiyajcunapa wasincunata guechurgärinanpaj. Chaynöpami munayniyoj Israelcunapis manana alli-tuconganachu. Nogami camacächishaj rispitädu capillancunapis manacajman churasha cananpaj.

Miqueas 2:4

Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Sofonías 1:13

Chaypitami ima-ayca charashancunatapis juc runacunana guechurcur apaconga. Wasincunatapis illgächenga. Tiyananpaj wasicunata arushanchöga manami tiyangapänachu. Übascunata lantashanpa bïnuntapis manami upongapänachu.»

Sofonías 1:4

«Judá runacunatami castigaj-aywä. Jerusalencho tiyajcunatapis castigajmi-aywä. Chay partipaga ushajpämi Baal dios-niraj ïdulucunata llapan cürancunatapis illgächishaj.