Jeremías 51:52 - Tayta Diosninchi Isquirbichishan

⁵² Juc junajmi ichanga Babiloniacho caycaj ïdulucunata illgächishaj. Chaura malubracusha caycajcunaga nasyun intërucho nanaywan gaparpangapaj.

Jeremías 51:52 ပူးပေါင်းရင်းမြစ်များ

Jeremías 50:38

¡Mayuncunapis chaquicäcuchun! Chaynöga cachun melanaypaj ïduluncuna Babiloniacho aypalla captin. Chay runacunaga mana bälej ïduluncunawanmi pasaypa pirdicasha caycan.

Jeremías 51:47

Chaynömi chayamongapaj Babiloniacho caycaj ïdulucunata ushajpaj illgächinäpaj caycaj junaj. Chayrämi nasyun intëru pengaycho ricaconga. Wañushacunapis llapan siudänincunachömi mashtarpanga.

Ezequiel 28:23

Gammanga tucuy-niraj gueshyatami chayachimushaj. Intëru cälliquicunachömi yawar mashtaranga. Wacpita caypita yaycur sabliwan cuchuypa wañuchiptinmi gamcho tiyaycajcunaga wañonga. Chaura noga Tayta Dios cashä musyacangami.

Ezequiel 30:24

Babiloniapa raynintami callpayojyächishaj. Sablëtapis maquinmanmi aptapäshaj. Faraonpata ichanga ricrancunatapis paquipäshaj. Chaura payga contrancunapa ñaupancho nanaywan ataycanga.