Jeremías 51:42 - Tayta Diosninchi Isquirbichishan

⁴² Contrancunaga Babiloniaman shamusha lamar yacu llojshicaramojnömi. Wayrawan ruyrucarcur-ruyrucarcur shamoj yacu ushajpaj chapacurcojnömi juntacaycärisha.

Jeremías 51:42 ပူးပေါင်းရင်းမြစ်များ

Salmos 18:16

Tayta Diosga janajpita-pachami ayparcamusha. Maquinwan jorgamasha jatun lamarpita.

Salmos 18:4

Wañuyga janächönami ricacuran. Juchuno janächöna captin fiyupa mancharirä.

Salmos 42:7

Chay yacucunapaj yarpaptëpis bötircur-bötircur aywaycaj yacu janäpa päsajnömi llaquicuyga charicarcamasha. Pajcharcur-pajcharcur yacu bunyaylla urajnömi llaquicuyga ñiticarcamasha.

Salmos 65:7

Gammi chawächinqui lamar yacu wayrawan gaparar pullchajyaycajta, runacuna shanaypa shanar gaparpaycajtapis.

Salmos 93:3

Tayta Dios, mayucuna chayashpanmi fiyupa gaparan. Cuchpayllapana aywaycanpis.

Isaías 21:1

Lamar lädunpa caycaj Babilonia imano cananpäpis Tayta Dios ribilashanta Isaías cayno willacuran: Neguevpa päsar löcu wayra aywashannömi fiyupa manchacuypaj chaqui jirca nasyunpita illgächicoj suldärucuna aywaycämun.

Jeremías 51:55

Babiloniacho tiyaj runacunataga Noga Tayta Diosmi ushajpaj illgaycächë. Llapan gaparpaycajtapis ushajpämi illgaycächë. Gochapita wayrawan yacu shamoj gaparajnörämi contrancunaga fiyupa gaparpashpan paycunaman yagacaycärin.

Ezequiel 26:3

«Chaypitami noga Tayta Dios në: «Tiro, nogaga gampa contrayquimi ricacö. Nogami camacächishaj juc-lä nasyun runacuna contrayqui ricacunanpaj. Paycuna shamonga lamar yacu wayrawan pullchajyar shamushannömi.

Daniel 11:10

« ‹Chaypitaga norte cajcho tiyaj raypa wamrancuna pillyananpaj aypalla suldärucunata camariconga. Chayno camaricurcur jucnami aypalla suldärunwan aywanga sur caj-läman. Chayno aywarmi ushajpaj illgächengapaj mayu chayar ima-aycatapis apacojnöraj. Chaypitapis yapay pillyaj yaycushpan chayangapaj sur caj raypa sumaj curalasha siudänincama.

Daniel 7:2

«Suyñuynëcho ricaycashcä cay pachacho chuscun lädupita wayraycämojta. Chayno wayrashpanmi lamar yacutapis manchariypaj wac-läman cay-läman apar pullchajyaycächiran.

Daniel 9:26

Chay sojta chunca ishcay semäna päsarcuptenga acrasha caycaj mandajta wañuycärachengapämi. Manami pipis ruquin quëdangapächu. Chauraga juc-lä ray shamuptin suldäruncunami Jerusalén siudätawan Templuta illgächengapaj. Yacu jundejnöpis illajpitami ushacayga chayamongapaj. Chaynöllami guërrapis wañuchinacuypis caycanga imaycamapis nishan junaj chayamunancama.

Lucas 21:25

«Intipis, quillapis, goyllarcunapis fiyupa manchariypämi ricaconga. Cay pachachönami llapan runacuna manchariywan löcutanga lamar yacu löcutar fiyupa gaparaptin.