Jeremías 51:36 - Tayta Diosninchi Isquirbichishan

³⁶ Chaymi Tayta Dios nin: «Nogami alli arriglashayqui. Chaymi contrayquicunataga ayñita cutichishaj. Babiloniacho caj mayucunatawan pashtaj yacuncunatapis ushajpämi chaquirachishaj.

Jeremías 51:36 ပူးပေါင်းရင်းမြစ်များ

Salmos 107:33

Tayta Diosmi ticrarachin mayucunata, pucyucunata chunyaj chaqui jircaman, chaqui pachaman.

Salmos 140:12

Noga musyämi pobritaga Tayta Dios alli arriglashanta. Llaquicuycajcunatapis yanapanmi.

Proverbios 22:23

Paycunapa faburnin Tayta Diosmi canga. Paycunata suwapajtaga Tayta Diosmi ima-aycantapis guechonga.

Proverbios 23:11

Paycunata Washäga caycan fiyupa munayniyojmi. Pï ñacachiptinpis Paymi faburnin jatarir castiganga ñacachejtaga.

Isaías 19:5

Nilo mayupis pishengami. Chay mayuga ushajpämi chaquengapaj.

Isaías 43:14

Israelcunata salbaj Santo Tayta Diosmi nin: «Gamcunata salbanäpäga runacunatami Babiloniaman cachashaj. Paycunami llapan runacunata binsir gaticachanga. Caldea runacunatapis alli-tucur büquincunacho caycajta gaticachanga.

Isaías 44:27

Noga niptëga lamar yacupis chaquicäcunmanmi. Mayu aywaycashancunapis yacuynaj chaquishami ricacunman.

Jeremías 50:38

¡Mayuncunapis chaquicäcuchun! Chaynöga cachun melanaypaj ïduluncuna Babiloniacho aypalla captin. Chay runacunaga mana bälej ïduluncunawanmi pasaypa pirdicasha caycan.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:6

«¡Babiloniapitaga aywacuy! ¡Cawayta munaj cäga gueshpicuy! ¡Babilonia runacunapa juchanpitaga llapayqui ama wañuychu! Paycunata ayñita cutichinä junaj chayamushanami. Chaymi juchanman-tupu castigashaj.

Ezequiel 25:14

Edom runacuna imano rurashanpitapis acrashä Israel runacunawanmi ayñita cutichishaj. Edom runacunataga paycunami imatapis ruranga noga fiyupa rabyasha caycashämanno. Chaynöpami Edom runacunaga musyanga noga ayñita cutiycächishäta. Noga Tayta Diosmi chayno në.

Oseas 13:15

Jacha waytaraycajno Israelcuna captinpis Tayta Diosmi chunyaj chaqui jircapita fiyu wayrata wayrächimonga. Chay wayrami chaquirachenga. Wallcaycällarmi yacu aywajcuna, pucyuncunapis chaquicäconga. Chiquejcunanami ima-aycancunatapis guechur apaconga.

Romanos 12:19

Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»

Apocalipsis 16:12

Sojta caj anjilnami Éufrates mayuman tacshimuran chararaycashan bäsucho caycaj castïguta. Chaymi mayu chaquicäcuran inti yagamunan caj-lä nasyunpita shamoj mandajcuna suldäruncunawan päsamunanpaj.