Jeremías 51:34 - Tayta Diosninchi Isquirbichishan

³⁴ Jerusalenga nin: «Babiloniapa raynin Nabucodonosorga rachir-usharcur micucarcamasha. Micuyniynaj lätutanömi cachaycamasha. Ultacarcamasha lamarcho tiyaj manchariypaj jatuncaray waräcuynömi. Nogacho cajta payga sacsasha munashan cajllatami, waquintana jitarisha.

Jeremías 51:34 ပူးပေါင်းရင်းမြစ်များ

Job 20:15

Chayrämi pipa ima-aycanta ushashantapis rimarenga. Paycunapa pachanpita Tayta Diosmi gumitachimonga.

Salmos 74:13

Lamar yacutapis munayniquiwanmi ishcayman raquirirayqui. Lamarcho tiyaj waräcuypa umantapis paquirgärishcanqui.

Proverbios 1:12

Alli runacunataga illajpita illgarachishun, gueshya charir imanömi illajpita wañurachin, chayno.

Isaías 34:11

Chaychöga tiyangapaj pillyaj jutiyoj äbicunawan chushyajcunallami. Gueshwancunatapis rurangapaj quillicsawan tucumi. Chay nasyuntaga yarpashannömi Tayta Dios ticrachengapaj chunyajman. Imapis manami canganachu.

Isaías 42:22

Ichanga Tayta Dios acrashan runacunata suwaparcaycan, guechurcaycanmi. Llapantami prësu charisha. Calapösumanmi wichgaycusha. Llapan ima-aycantapis guechurcaycan. Paycunata washänanpäga manami pipis canchu. Ima-aycanta guechuptinpis manami pipis canchu «cutichiy» ninanpaj.

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 50:7

Contrancuna tariycärir ñacachej. Nircur nej: ‹Noganchëga manami juchayojchu canchi. Quiquincunami juchayöga alli goyächej Tayta Diosta mana wiyacushanpita. Unay awiluncunapis Paymanmi yäracoj.›

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Jeremías 51:49

Israelcunata wañuchishanpita, chayno waquin nasyun runacunatapis wañuchishanpitami Babiloniacho tiyarcaycajcunaga ushacanga.

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 2:16

Llapan chiquishojcunami washayquita parlan. Wichyacachashpan, jamurpäshushpayqui cayno nin: «Ushajpämi illgächishcanchi. Chayno canantami munaranchïpis. Cananga ¿manachu ricanchi?» nir.

Ezequiel 36:3

Chaypitami noga Tayta Diosga në: Gamcunataga wacpita-caypita shamur magashushpayquimi pasaypa ushashurayqui. Llapan juc-lä marca runacunami duyñu-tucurcushurayqui. Runacunanami asipäshushpayqui, manacajman churashurayqui.

Oseas 8:8

Israelga ushacaypanami aywaycan. Juc-lä nasyun runacunaga manacajtanöllanami rican,

Amós 8:4

Imano cashayquitapis wiyay-llapa. Gamcunaga umildicunatami ñacaycächinqui. Nasyunniquicho pobri caycajcunatami engañaycanqui.

Nahúm 2:2

Gamcunaga acrashä runacunatami magarayqui. Ima-aycantapis guechushpayqui cachaycurayqui übas yöra garapachacashatanömi. Tayta Diosmi ichanga Jacobpita miraj Israelcunata yapay allimannami churaj-aywan.

Mateo 23:13

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga yachachishayquiwanmi Tayta Diospa maquincho cawaj yaycuyta munajcunata puncuta wichgapajno carcaycanqui. Ichanga quiquiquicunapis manami yaycunquichu.