Jeremías 51:30 - Tayta Diosninchi Isquirbichishan

³⁰ Babilonia suldärucunaga mananami pillyayta munannachu. Pacacunallanchönami pacarpaycan. Callpanpis mananami cannachu. Warminönami carcaycan. Siudänincunamanpis contrancunami juntajpaj yagacaycärisha. Nircur wasincunatapis rupaycärachisha.

Jeremías 51:30 ပူးပေါင်းရင်းမြစ်များ

Salmos 107:16

Paymi acapa-acapa rurariran runsi puncucunatapis. Fyërru rancancunatapis acapa-acapa paquiriran.

Salmos 147:13

Paymi puncuyquicunapa rancancunatapis sinchiyächisha. Siudächo tiyaj runacunatapis bindisyunta gosha.

Salmos 76:5

Chaynöpami fiyupa callpayojcunapis ima ruraytapis mana puydishachu. Manami gänasninpis cashanachu. Mananami jatarimonganachu.

Isaías 19:16

Chay junaj Egiptucunaga cangapaj warminömi. Fiyupa mancharishpan ima ruraytapis manami camäpacongapächu Tayta Dios paycunata castigananpaj maquinta jogariycajta ricashpan.

Isaías 47:14

Masqui ricay, chay musyaj yachajcunaga chaqui ogshanömi carcaycan. Ninaga ushajpämi rupacurconga. Chay ninapitaga manami imanöpapis salbacongachu. Chay ninaga manami ñaupanman jamaycur mashacunapaj shanshanöchu canga.

Jeremías 48:41

Moab runacunapataga siudänincunata pacacunancunatapis contrancunami charenga. Chay junaj Moabpa suldäruncunaga warmi nanaycho caycajnörämi sicsicyangapis.

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Jeremías 51:32

Runa päsacunan mayu bäducunachöpis contrancunaga juntashami carcaycan. Pacacunanpaj caj shogush juntasha cajcunatapis cañapaycärishami. Chaura suldärucunapis fiyupami mancharircaycan.

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Amós 1:5

Damasco siudäman yaycuna puncu rancaraycajtapis callpaycurmi amirishaj. Avén guechwa pampacho mandaycajtapis illgächishämi. Chaynömi rurashaj Bet-edén siudächo mandaycajtapis. Siria runacunatanami nasyunninpita prësu apanga Kir partiman.» Tayta Diosmi chayno nisha.

Nahúm 3:13

Suldäruyquicunaga caycan warminöllami. Rancayquicunata nina rupar ushashanpitami siudäniquicunapa puncuncunapis quicharaycan. Chaymi contrayquicuna yaycamunanpaj libri caycan.

Apocalipsis 18:10

Fiyupa castigashanta ricarmi carullapita ricarpanga. Cayno nirmi gapachaconga: «¡Ay, ay Babilonia! ¡Munayniyojchaj carayquega! ¡Cananga illajpitachaj juc rätulla ushacäcushcanqui!»