Jeremías 51:27 - Tayta Diosninchi Isquirbichishan

²⁷ «¡Nasyuncunacho bandëracunata awiy Babiloniaman pillyaj yaycunanpaj! ¡Trompëtata tucashpayqui nasyuncunacho tiyajcunata ushajpaj camaricachiy! ¡Babiloniaman pillyaj aywananpaj shacyächiy Araratcho, Minicho, Askenazcho caycaj raycunata! ¡Pillyacho mandananpaj juc capitanta churay! Muntädu aywaycajcunata gaycuy aypalla chüpacacuna aywaycajtanöraj.

Jeremías 51:27 ပူးပေါင်းရင်းမြစ်များ

Génesis 10:3

Gomerpa wamrancuna cayno caran: Askenaz, Rifat Togarma.

Génesis 8:4

Chay watacho ganchis quillana caycaptin chunca ganchisnin (17) junajcho büquega jamacäcuran Ararat parti puntacho.

2 Reyes 19:37

Chaypita juc junajna diosnin Nisrocpa templunman yaycuycur aduraycaran. Niycaptinmi wamrancuna Adramelecwan Sarezer yaycuycur wañuycärachiran. Wañuycacherga Ararat partiman gueshpir aywacuran. Chaypitaga papäninpa ruquin ray caran wamran Esarhadón.

1 Crónicas 1:6

Gomerpa wamrancuna caran: Askenaz, Rifat, Togarma.

Isaías 18:3

Llapayquimi, intëru munducho tiyajcunaga ricanquipaj puntacho señalta churamushanta. Llapayquimi wiyanquipaj trompëta wagamushantapis.

Isaías 37:38

Juc junaj diosnin Nisrocpa templunman yaycuycur aduraycaran. Niycaptinmi wamrancuna Adramelecwan Sarezer yaycuycur sabliwan wañuycärachiran. Wañuycacherga Ararat partiman gueshpir aywacuran. Chaypitaga papäninpa ruquin ray caran wamran Esarhadón jutiyojna.

Jeremías 25:14

Chay nasyuncho tiyajcunapis cangapaj jatun nasyuncunapa munayninchömi, munayniyoj raycunapa maquinchömi. Chaynöpami paycunataga imanöpis rurashanmanno ayñita cutichishaj.»

Jeremías 46:23

¡Chay contrancunaga jirasha caycaj muntincunatapis chagurengami! Yaycoj runacunaga chüpacacunapitapis mas aypallami canga. Yupaytapis manami pipis atipangachu. Noga Tayta Diosmi chayno në.

Jeremías 50:2

«Nasyuncunaman willacuy. Llapanta musyachiy. Señalpaj bandërata churay. Willapashätaga juctapis mana gongaypa willacuy. Cayno niy: ‹Babiloniataga maynami charisha. Bel diospis pengaychömi caycan. Marduc diosga fiyupa mancharishami caycan. Ïduluncunaga, manacaj diosnincunaga pengaychömi, mancharishami carcaycan.›

Jeremías 50:3

Norte caj-lächo caycaj nasyuncunapitami Babiloniamanga juc nasyun runacuna aywaycämun. Paycuna chayamorga chunyajtami cachaycongapaj. Chaychöga runa ni animalcunapis manami tiyangapänachu. Chaycho tiyajcunaga llapanmi gueshpir aywacongapaj.»

Jeremías 50:9

Nogami camacächishaj norte caj-läpita munayniyoj nasyuncuna Babiloniaman chay öralla wacpita-caypita yaycapaycunanpaj. Sumaj parlacarcärir aywarmi binsenga. Paycunaga fiyupami pillyayta yachan. Lëchancunawanga jitayllan-tupumi chayachin.

Jeremías 51:12

¡Babiloniapa curralninta juchuchej yaycunanpaj sëñata ruray! ¡Suldärucunatapis sumaj camacächiy! ¡Ricchacojcunata churay! ¡Wañuchinayquipaj pacacuy-llapa! Noga imano ruranäpäpis yarpashätaga Babiloniacho tiyajcunapaj camacächishcänami.

Jeremías 51:14

¡Nogami chiquishojcunataga gaycamushaj aypalla chüpacacunata-jina. Chauraga paycunanami gamcunata binsiycushushpayqui cushicuypita gaparpanga! Noga munayniyoj Tayta Diosmi chayno në.»

Jeremías 51:28

Nasyuncunata camaricachiy magaj yaycunanpaj. Chayno Media jutiyoj nasyuncho caj raycunatapis camaricachiy llapan mandäshejnincunatawan waquin pöcu mandajnintinta. Chayno maquincho caycaj runacunatapis llapanta camaricachiy.»

Jeremías 6:1

Nortipita fiyupa manchariypaj y disigrasyami chayamunanpaj caycan. ¡Benjamín trïbu runacuna Jerusalenpita gueshpir aywacuy! ¡Pacacunayquipaj ashiy! Tecoa marcacho wagrata tucay-llapa. Bet-haquerem marcacho goshtachiy musyananpaj.

Joel 3:9

«¡Nasyuncuna, wiyay-llapa! ¡Guërrapaj camaricuyna-llapa! ¡Jinyu suldärucunata shuntay-llapa! ¡Pillyajcunaga shuntacarcur aywachunna!

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Zacarías 14:2

Chaypäga Tayta Diosmi shuntamongapaj llapan nasyuncunata Jerusalencho tiyajcunawan pillyananpaj. Nircorga contrancunami siudächöga tiyacaycärenga. Wasicunapita ima-aycantapis apaconga. Warmicunatana bigulanga. Nircur chaycho tiyajcunata pullantaga prësu juc-läman apanga. Jinanchöga waquillannami quëdangapaj.

Jueces 6:5

Tolduncunata aparcamur uywancunawan tiyacaycärej. Llapanta ushaj. Aypalla camëlluncunawan shamoj. Chüpacano ima-aycatapis ushacurcoj.