Jeremías 51:24 - Tayta Diosninchi Isquirbichishan

²⁴ «Chaypis Judá runacuna, gamcuna ricaycaptiquimi Babilonia runacunataga ayñita cutichishaj imanöpis Sionta rurashanno. Noga Tayta Diosmi chayno në.

Jeremías 51:24 ပူးပေါင်းရင်းမြစ်များ

Salmos 79:10

Mana yanapämaptiqui mana rispitashojcunaga «¿Maychötaj Diosniqui caycan?» nimangami. Gamta sirbishoj uywayniquicunata wañuchishanpita ayñita cutichishayquitami ricayta munä. Mana sirbishojcunapis musyachun gam castigashayquita.

Isaías 48:14

«Llapayqui shuntacaycushpayqui sumaj wiyamay: ¿Pitaj gamcunachöga willacuran cayno cananpaj cashanta? Acrashä ray Ciromi Babiloniataga yarpashäno ruranga. Paymi chay Caldeacho caycaj Babilonia runacunataga munaynincho chararanga.

Isaías 61:2

Tayta Dios cachamasha allita rurananpaj chayamushana cashanta willacunäpämi; contranchïcunata ayñita cutichinanpaj chayamushantana willacunäpämi. Chaynöpis Tayta Dios cachamasha llaquicuycajcunata shacyächinäpaj;

Isaías 66:6

Masqui wiyay-llapa siudächo gaparaypa rimaycämushanta. Wiyay-llapa quiquin Templuchöpis gaparaypa rimaycämushanta. Wiyay-llapa rurashanman-tupu conträcunata noga imano castigaycashätapis.

Jeremías 25:14

Chay nasyuncho tiyajcunapis cangapaj jatun nasyuncunapa munayninchömi, munayniyoj raycunapa maquinchömi. Chaynöpami paycunataga imanöpis rurashanmanno ayñita cutichishaj.»

Jeremías 50:10

Babilonia runacunataga ima-aycantapis guechongami. Apaytapis mana puydinancamami guechonga. Noga Tayta Diosmi chayno në.

Jeremías 50:15

Intëru cantunpa curalaraycajcuna cayno gaparpay: ‹¡Babiloniaga binsishanami caycan! ¡Tunishanami ricchacuna törrincunapis! ¡Pergancunapis juchushanami!› nir. Nogami imanöpis rurashanpita ayñita cutiycächë. Imanömi gamcunata rurashurayqui, chayno gamcunapis ruray.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:23

Gamwanmi wañuchichë uyshayojcunata uyshantinta, arojcunata yuntantinta. Gamwanmi wañuchichë gobernadorcunatapis llapan yanapajnintinta.

Jeremías 51:35

¡Cananga quiquin Babiloniapis quëdachun mana allita nogata ruramashanno! ¡Nogacho tiyajcunata wañuchishanno quiquincunatapis wañuchichun!»

Jeremías 51:49

Israelcunata wañuchishanpita, chayno waquin nasyun runacunatapis wañuchishanpitami Babiloniacho tiyarcaycajcunaga ushacanga.

Jeremías 51:56

Babiloniata illgächej aywaycämunnami. Pillyaj suldäruncunatami prësu charenga. Pillyananpaj caycaj lëchancunatapis ushajpämi paquirgärenga. Noga Tayta Diosga cada-ünuntami imanöpis rurashanman-tupu cutichishaj.

Lamentaciones 3:64

Tayta Dios, paycunataga rurashanmanno castigaycuy.

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.

Apocalipsis 18:24

Chay siudä runacunami juchayoj caycan Tayta Diospa profëtancunata, yäracojcunata may-chaychöpis wañuchishanpita. Chaypitami paycunaga castigasha canga.

Apocalipsis 6:10

Paycunami sinchipa niran: «Llapanpaj munayniyoj Tayta Dios, ¿imaytaj jusganqui wañuchimaj runacunata?»